Video
Read full review
2020-04-17
781 views
我相信每個兒時時侯，總會經常食到屋企既住家飯，但永遠都唔會知道屋企人，為你煮每一餐飯背後既辛酸。就算係我自己都唔會例外，反而係怪責點解食黎食去都係果幾味，覺得好厭惡，寧願出去快餐店食，食好多唔健康既味精野。到人大左，經歷左好多人生閱歷，先開始明白到，有住家飯食原來係咁難能可貴既一件事。今晚就黎到灣仔呢間以鮮燉湯主打既「湯鮮生 - Mr.fresh soup」，尋找多年家的感覺，追求健康，無味精既原始味道！👇📌天天新鮮 · 游水魚套餐 -▪ 豉汁蒸䱽魚 - $88▪ 海底椰雪耳燉土雞湯 - (+38)▪ 清熱滋潤雪梨茶 - (+8)▪ 核桃糊 (熱) - (+$18)▫ 佢地既游水魚套餐，只要你嗌一碗燉湯就會即減10蚊，認真抵食。而呢個豉汁蒸䱽魚蒸既時間岩岩好，唔會過哂火候。外皮食落質感膠滑，魚骨分離夠乾淨，肉質保持到嫩滑彈牙，啖啖肉夠哂鮮甜，而豉汁亦唔會整到過鹹，唔錯；試埋佢地既燉湯以雪耳、海底椰為主要材料，佢地係以成個盅黎燉，夠哂新鮮滾熱辣，飲落特別香甜，潤喉潤肺，而且雞味都幾濃郁，飲得過；另外叫左杯雪梨茶，優惠價都係10蚊有找。入口微甜，岩哂成日捱夜既我，清熱降火；最後當然要整埋碗
為你煮每一餐飯背後既辛酸。就算係我自己都唔會例外，
反而係怪責點解食黎食去都係果幾味，覺得好厭惡，寧願出去快餐店食，
食好多唔健康既味精野。到人大左，經歷左好多人生閱歷，先開始明白到，
有住家飯食原來係咁難能可貴既一件事。今晚就黎到灣仔呢間以鮮燉湯主打既
「湯鮮生 - Mr.fresh soup」，尋找多年家的感覺，追求健康，無味精既原始味道！👇
📌天天新鮮 · 游水魚套餐 -
▪ 豉汁蒸䱽魚 - $88
▪ 海底椰雪耳燉土雞湯 - (+38)
▪ 清熱滋潤雪梨茶 - (+8)
▪ 核桃糊 (熱) - (+$18)
▫ 佢地既游水魚套餐，只要你嗌一碗燉湯就會即減10蚊，認真抵食。
而呢個豉汁蒸䱽魚蒸既時間岩岩好，唔會過哂火候。外皮食落質感膠滑，
魚骨分離夠乾淨，肉質保持到嫩滑彈牙，啖啖肉夠哂鮮甜，而豉汁亦唔會整到過鹹，唔錯；
試埋佢地既燉湯以雪耳、海底椰為主要材料，佢地係以成個盅黎燉，夠哂新鮮滾熱辣，
飲落特別香甜，潤喉潤肺，而且雞味都幾濃郁，飲得過；
另外叫左杯雪梨茶，優惠價都係10蚊有找。入口微甜，岩哂成日捱夜既我，清熱降火；
最後當然要整埋碗糖水咁先係完美既住家飯呀麻。老闆娘話以半價優惠吸引食客整多碗糖水，
方便食客唔洗專登又要走黎走去，認真細心！
📌抗流感 · 鮮燉湯優惠套餐 - $98
▪ 西洋菜燉豬肺湯 -
▪ 老娘叉燒蛋飯 -
▪ 鮮秘製防流感 · 西洋菜蜜 - (+5)
▪ 核桃糊 (熱) - (+$18)
▫ 最近因為疫情搞到人心惶惶，有見及此餐廳推出呢個抗流感套餐，
佢地既西洋菜燉豬肺湯一樣都係原盅燉，撈底就見到佢地湯頭用料十足，真材實料。
飲落入口清潤，豬肺完全無豬臊味，海量級既西洋菜食落甜美香純，成個湯都無仲有清肺胃熱，
去除眼紅口臭既功效，真係要飲多幾啖；
而套餐都可以個飯或撈麵，我朋友揀左呢個老娘叉燒蛋飯，
蛋就炒得夠哂幼滑，加埋最地道既叉燒，撈飯真係一流；
套餐只係加5蚊雞就有杯熱飲，呢杯西洋菜蜜清甜潤喉，用黎解膩就岩岩好；
加埋碗滿滿既核桃糊，口感幼滑，相當滿足！
📌原隻椰子燉烏雞 - $59
👉知道佢地既出名燉湯，又咁耐無滋補下，嗌多盅餐廳招牌既椰子燉烏雞同個朋友兩份飲。
一打開椰蓋就傳出陣陣既椰香味，裡面包括烏雞、紅棗、杞子、准山，成個湯都係原汁原味，
過程中無加過任何水份，飲得出椰子既清新香味同埋也有雞肉既鮮甜，夠哂滋補呀！
Post
