Video
Read full review
2020-05-19
1583 views
假若聽日就係地球最後既一日，你閉起雙眼會諗起邊個？屋企人…你最愛既人？定係好耐無見既摯友？用哂僅餘既積蓄去用盡佢快活一晚？去你從來未去過或者唔夠膽既地方呼吸埋最後一啖空氣？如果你問我，我可能會去食我最鍾意既台灣菜，呢間「九份飽」應該係我既不二之選。無論餐廳裝潢、菜式都有好地道既台灣風味，如果真係世界末日之前歎返餐，咁就真係無憾啦。👇📌香酥排骨飯 - $42👉呢個排骨飯你一定要嗌！即叫即炸，外皮一咬落食到鬆、香、脆，三種唔同層次。而且份量夠大塊，肉又夠厚，裡面仲keep到肉汁，非常juicy，好有舊式台灣街頭風味，唔錯。📌懷舊魯肉飯 - $40 (大)👉淨係排骨飯當然唔夠喉啦，想當係走返轉台北，就一定要試埋佢呢個懷舊魯肉飯啦，份量就夠哂多，而且魯肉脂肪比較平均，每粒都食到少少肥肉。而飯粒加左醬汁，食落非常惹味，唔會太過粘性，加埋半隻魯水蛋，呢個價錢勁抵食。📌鹽酥雞 - $35👉鹽酥雞黎講，呢個炸得幾有驚喜，咬落質感酥脆，口感唔乾身，肉質相當彈牙。加上炸粉非常薄身，唔會好油膩，食得過。📌九份芋圓 - $35 (凍)👉不得不點既招牌芋圓，成碗齊哂我最鍾意既芋圓、紅豆、仙草、珍珠，每樣角色鮮明
定係好耐無見既摯友？用哂僅餘既積蓄去用盡佢快活一晚？
去你從來未去過或者唔夠膽既地方呼吸埋最後一啖空氣？如果你問我，
我可能會去食我最鍾意既台灣菜，呢間「九份飽」應該係我既不二之選。
無論餐廳裝潢、菜式都有好地道既台灣風味，如果真係世界末日之前歎返餐，
咁就真係無憾啦。👇
📌香酥排骨飯 - $42
👉呢個排骨飯你一定要嗌！即叫即炸，外皮一咬落食到鬆、香、脆，三種唔同層次。
而且份量夠大塊，肉又夠厚，裡面仲keep到肉汁，非常juicy，好有舊式台灣街頭風味，唔錯。
📌懷舊魯肉飯 - $40 (大)
👉淨係排骨飯當然唔夠喉啦，想當係走返轉台北，就一定要試埋佢呢個懷舊魯肉飯啦，
份量就夠哂多，而且魯肉脂肪比較平均，每粒都食到少少肥肉。
而飯粒加左醬汁，食落非常惹味，唔會太過粘性，加埋半隻魯水蛋，呢個價錢勁抵食。
📌鹽酥雞 - $35
👉鹽酥雞黎講，呢個炸得幾有驚喜，咬落質感酥脆，口感唔乾身，肉質相當彈牙。
加上炸粉非常薄身，唔會好油膩，食得過。
📌九份芋圓 - $35 (凍)
👉不得不點既招牌芋圓，成碗齊哂我最鍾意既芋圓、紅豆、仙草、珍珠，
每樣角色鮮明，唔同層次既口感擺埋一齊。芋圓夠Q彈、紅豆有咬口，唔會過腍；
仙草凍食就最岩，夠哂透心涼；珍珠入口爽彈，岩哂我呢D煙韌控呀！
▪ 珍珠奶茶 - $23
▪ 茉香珍珠奶茶 - $23
▫ 好坦白講，呢到廿零蚊一杯珍奶勝過出面街邊任何一杯。珍珠煮得煙韌，唔會過硬；
茶味突出，唔會有苦澀味；奶既質感夠幼滑，真係無得輸！
Post
