Video
Read full review
2020-05-12
72 views
自細我就好迷信，認為所有野都係一種因果循環，眼前擁有既野其實並非永恆，總有一日要還。而每一件都有輕重之分，要有回報就必需要付出，所以我每日都有未雨綢繆既心態，正所謂好天收埋落雨柴。當上天要收返你既運氣時一日，呢個時侯就好好發揮你所存埋既乾柴，渡過難關，呢個道理從來都係至理名言。好似本地星級名廚Ricky張錦祥，曾經係酒店做起，到今日親自主理「祥仔 - Ricky’s Kitchen」能夠將火之藝術完美演活出黎，並以貼地平民價打造港式西餐廳，可見功力深厚！👇📌R I C E -▪ Diced Pork Loin in Fresh Sweet Corn Sauce · Steamed Rice - $108▫ 將港式最貼地既碟頭飯升級為「黑豚肉粒飯 · 鮮栗米汁」，擺盤變得更加精緻，並將豬肉粒同忌廉汁加以改良。黑豚肉食落口感爽彈，完全無肥膩感；而栗米汁既非常輕盈，唔會太甜，入口岩岩好；撈埋個白飯一齊食，整個奶香味增加左唔少口感，但同時回憶返兒時既味道，食得過！▪ Ricky’s Crispy Pork Chop Rice - $118▫ 另一經典之作「祥仔脆脆豬扒飯」亦係我慕名而來既原因，
而每一件都有輕重之分，要有回報就必需要付出，所以我每日都有未雨綢繆既心態，
正所謂好天收埋落雨柴。當上天要收返你既運氣時一日，呢個時侯就好好發揮你所存埋既乾柴，
渡過難關，呢個道理從來都係至理名言。好似本地星級名廚Ricky張錦祥，曾經係酒店做起，
到今日親自主理「祥仔 - Ricky’s Kitchen」能夠將火之藝術完美演活出黎，並以貼地平民價
打造港式西餐廳，可見功力深厚！👇
📌R I C E -
▪ Diced Pork Loin in Fresh Sweet Corn Sauce · Steamed Rice - $108
▫ 將港式最貼地既碟頭飯升級為「黑豚肉粒飯 · 鮮栗米汁」，擺盤變得更加精緻，
並將豬肉粒同忌廉汁加以改良。黑豚肉食落口感爽彈，完全無肥膩感；
而栗米汁既非常輕盈，唔會太甜，入口岩岩好；撈埋個白飯一齊食，整個奶香味
增加左唔少口感，但同時回憶返兒時既味道，食得過！
▪ Ricky’s Crispy Pork Chop Rice - $118
▫ 另一經典之作「祥仔脆脆豬扒飯」亦係我慕名而來既原因，將港式經典重新打造成為新派菜式。
大廚先將豬扒用慢煮方式烹調，然後再沾上麵包糠再油炸，雖然睇落好似好熱氣，但呢種味道我相信
無人能夠抵擋得住。而炸豬扒入口鬆脆無比，食得出火候掌握得岩岩好，裡面仲保留到鮮嫩多汁，
配埋用上意大利新鮮蕃茄製成既蕃茄醬，撈埋白飯一齊食相當滋味呀！
📌R I C K Y · S P E C I A L · D R I N K S -
▪ Tokachi Red Bean Fleecy · Red Bean Ice Cream - (+$48)
▫ 要講到懷舊既，點少得呢杯「十勝紅豆冰」，入口奶味好重，
紅豆食落粒粒分明，而且夠哂大粒。一問之下原來知道餐廳用既都係明治鮮奶、
同埋十勝紅豆，唔怪得之無果種出面茶記既死甜感覺，而且鮮奶質感順滑，唔錯。
▪ Fresh Pineapple Iced Drink Pineapple Sorbet - (+$48)
▫ 另一必點既「新鮮菠羅冰」，用左新鮮菠蘿，賣點係天然既果香。
入口清新解膩，比一般既菠蘿冰有過之而無不及既味道！
📌D E S S E R T -
▪ Ricky’s Style Puff - $38
▫ 最後叫左個好特別既甜品「祥仔泡芙」，成個出奇蛋咁，其實表面係朱古力，
而裡面食落係杏仁忌廉，質感幼滑，裡面食落相當creamy，幾特別。
Post
