祥仔 (K11購物藝術館)

Open Now

Now Closed

Family gathering 節目係睇戲，諗住一齊食個 lunch 先睇，家姐揀咗呢間打住電視煮食節目嘅廚師（我實在唔會形容為名廚）開嘅港式茶餐廳。其實之前有諗過想試佢嘅四川菜，但一直都未有機會，跟住原來已經摺晒～本身想叫招牌 No.1 鴛鴦叉燒煎蛋飯，點知下晝1點已經賣晒，莫非要11點嚟先有得食？😂🍴脆脆豬扒飯（$138）其實唔係好想食炸嘢，不過叫唔到個叉燒飯，跟住已經唔知叫咩好，就叫呢個。個豬扒幾大塊又真係有1吋厚嘅，炸得好脆，唔夠 juicy 但未算好乾，有一片燒過嘅菠蘿，個醬汁都 okay 不過份量比較少，令到食成個飯嘅時候都乾乾哋～🍴牛柳粒意粉 • 黑椒汁（$158）呢個係用咗美國安格斯牛柳粒，幾入味，個黑椒汁okay 未感受到太特別，整體上正常。🍴重量級全日套餐（$148）呢個 all day breakfast 可以揀豬扒、雞扒或吉列魚柳，因為唔想再吉列又唔想揀雞扒，唯有又係揀豬扒。嚟到 presentation 係靚嘅，不過塊豬扒比茶餐廳更流，少少硬又少少嚡😅炒蛋唔太滑，水耕沙律菜都幾新鮮，司華力腸、大啡菇、牛油果、多士都唔會錯得去邊，整體上係一般。🍴兩日兩夜羅宋湯

🌻👫一早到K11 Art Mall ，諗住吃完早餐去買冬甩🍩，本來預備去試新開澳洲的cafe，路過見到祥仔門前擺放的餐牌好吸引，便轉入去試試 。🌻《祥仔》已開了一段時間，所以裝修有點舊，但它比茶餐廳好一點，自己都喜歡張錦祥，他的飲食節目都有睇及收聽。食店點餐是用QR CODE，所以服務員也不多。我們都揀了一個豐富早餐$48祥仔秘製花椒瑞士雞翼早餐有雞翼比較少，雞翼入味骨湯通粉湯味濃多士香脆太陽蛋蛋黃蛋白分明咖啡茶走+$4茶香奶濃

慕名而來試一試這間名廚的茶餐廳，叫了兩份午餐加一個小食，食物質素令人失望，青咖喱雞扒飯，青咖喱汁像蘑菇汁，不覺有青咖哩味道，是我食過青咖喱以來最差的一次，雞扒沒味道好像沒有醃過，真的不好食，牛脷腸蛋飯，同樣牛脷沒味道，牛脷飯沒有汁，祇有少許薑蓉拌飯，感覺有些不倫不類，羅宋湯味道還可以，但是很少雜菜，好像飲番茄湯，只有瑞士汁雞翼味道稍為好少少，以需要過百元一份的午餐來説，這樣的食物質素，令人十分失望！

星期日同仔仔上完堂，附近想搵早餐食，經過選呢間，人唔算多，多士同沙嗲牛面好好食，奶茶ok，甘既價錢，份量足，一個早餐我同仔仔都飽，呢個地點超值好彩無比遊客攻陷，太好！

好多人都好似我咁俾佢嘅門面吸引咗喺呢個商場嚟講價錢唔算好貴 人均消費大概$100左右之前都係海港城食過但係留意到，本來有好多間分店減到得返一間分店 價錢真係唔平首先講吓 平時好少中伏嘅焗豬扒飯竟然都。。。豬扒好韌飯好少 味道太鹹太酸基本上食咗兩啖就冇食啦-竟然最好食嘅係葡撻可能因為都係急凍但係始終都係偏甜-最估唔到$108一碗嘅叉燒煎蛋飯呢個價錢我可以去食燒鵝叉燒好黐牙 真係咬唔開太陽蛋都係凍嘅竟然仲係招牌排行榜第一位外國遊客來吃 可能會對香港的茶餐廳改觀

難得有時間食個下午茶，俾門口張西多士相吸引左入嚟，見到張相花生醬好多花生粒同爆漿，一於試吓佢係咪真爆漿🙈由細到大都好鍾意食西多士，但係有好多舖頭都整得唔好食，一係好薄，一係冇乜花生醬，令願自己整，不過大個左怕肥就真係冇咩整，間唔中食茶記見到會點下，我個人係鍾情超級多花生醬🥜所以呢度絕對落足料，當然價錢都係一個原因，下午茶餐$58 加左$4要杯祥仔茶走，不過一個女仔食一個真係有啲飽，因為多士都好夠厚身，再加爆多花生醬食晒全個會好漏，建議同人share，不過係有驚喜既🥪

出面落雨貪方便地鐵唔駛淋雨就黎祥仔食見餐牌都係啲大路茶記野，有啲邪惡芝士撈公仔麵咁，就試試 。2人均價$98，我叫左個午餐爆蒽油雞扒煎蛋飯，連好似好出名嘅兩日兩夜羅宋湯，加多$4 試下佢杯茶走 。朋友叫左個秘製花椒瑞士雞翼滑蛋芝士撈丁，加$15餐湯+飲品另再加$4 轉凍飲 。1347落單，我大約等15分鐘，朋友個份等左半個鐘先到 。都唔算好繁忙，但以茶餐廳黎講都算等得耐 。先講餐湯「兩日兩夜羅宋湯」，味道偏酸、口感好浠，一啲都唔好飲 。爆蒽油雞扒煎蛋飯就不過不失，但雞扒好多油，又無乜味，同埋偏硬同鞋 。所以唔會再叫 。茶走同平時茶記個啲都係咁上下，唔值得加$4 ，平時啲茶記茶走係熱飲，都唔駛特登加錢🙄至於朋友個餐我就無試到，所以就不予置評 。唯一好嘅係地點真係好方便，同埋份量都算大，我最後都食唔哂塊雞扒（可能因為太硬） 。

1. 兩日兩夜羅宋湯：難飲至極，洗碗水咁2. 黑椒牛柳粒意粉：無感覺，啲牛比梳打粉乸過的。3. 焗豬扒飯：豬扒係香茅豬扒，因為想用香茅浸味蓋過浸雪藏味，啲飯乾到一粒粒好硬，啲蕃茄汁得個甜字，好明顯係加工製品4. 宇宙神級難飲奶茶5. 世界第一難飲咖啡男朋友表示啲嘢食居然可以難食過大學canteen❌ 餐廳仲要好多遊客喺度食緊，真係對香港嘅食物文化產生負面影響❌ 雖然食物都係冇味精嘅，但係整體嚟講真係好垃圾！！！

開咗咁耐都冇試過，見到人都算多，所以俾次機會佢。入場侍應服務好好，但係入咗場之後等咗20分鐘先至上到杯凍檸茶。叫咗個川椒雞翼通粉茶餐，足足等咗30分鐘先上到。唔知道煮呢個餐都懶到喺邊度，要等咁耐。個餐嚟到先令到我驚訝，個炒滑蛋出晒水，件多士好似餅乾，咁通粉又細碗，個湯直頭好似清水咁樣，佢話係豬骨湯底，個雞翼冇川椒味，我要另外侍應講，佢先俾啲川椒油我。加埋一要70幾蚊，真心對唔住多次，出邊求其一間茶餐廳都好佢好多倍。到底Ricky 有冇做QC?

八點左右與家人在商場附近找位置吃飯，要留意他9:30左右就是最後下單時間，需要預時間吃飯和下單。因為出名嘅脆脆豬扒已經賣晒，所以就叫咗焗豬扒飯食，如果夜晚比較趕同肚餓嘅話要預時間等。豬扒都係厚切版本，汁醬好多。但係食落相比就會覺得飯底比較少。炒飯底係好食嘅，但係味道就會相對偏鹹同偏濃。叫咗雜扒餐，佢可以配飯意粉薯菜，建議薯條可以配茄汁食，甚至撈埋落個焗豬扒飯度食都OK鐵板上面有太陽蛋火腿煙肉牛柳雞扒司華力腸蕃茄蘑菇椰菜花都係幾豐富嘅，爸爸表示食得好滿足個牛柳會收咗喺下面大家記得如果唔想食咁熟快啲攞上嚟。平平無奇嘅樣子性價比唔算好高，招牌嘅瑞士汁雞翼係幾好食嘅好大隻同埋整得啱啱好。但係個瑞士汁撈埋個公仔麵相對嚟講，味道就冇乜，得顏色味道較淡，炒滑蛋攞到嚟嘅時候都係凍嘅，芝士味道亦唔算偏濃，混落公仔麵度食嘅時候冇乜特別。葡撻相對嚟講比較有驚喜，攞到嚟都係亂嘅，周圍嘅脆皮食落都幾脆，中間嘅葡撻唔會好甜，亦係正常葡撻嘅Size ，適合做飯後甜品，又特登擺個盤，建議大家加錢叫咗餐配甜品食會更划算。

祥仔旗下的餐廳全都食過了，全部都是誠意之作，沒有馬虎了事，這間餐廳前後都食左4次，每次都沒有令人失望，合理價錢之內，港式茶餐廳的菜單款式，但食物品質是高水準的，紅湯是必點的，千萬別小看它，不是一般例湯. 註=圖中套餐本身只配飯或薯菜，但我查問職員後可轉配意粉。

成日經過，想試好耐，又話咩招牌排行鎊No.1，HK$108一碗叉燒煎蛋飯，即管試吓你。叉燒偏甜偏韌，飯微溫唔熱，蔥油是凍的，似係喺雪櫃𢳂出嚟咁，太陽蛋又係煎定的，完全對唔住$108呢個價錢囉。

本來想去食Slow Cow，但係今晚有private gathering，所以冇開放俾公眾，唯有搵其他餐廳，最後去咗食祥仔。南瓜湯好滑好香濃，非常好飲。巨型吉列魚柳滑蛋飯配青咖喱汁，名副其實塊吉列魚柳真係超級無敵大，炸粉唔算厚，外層炸得好脆口，而裏面嘅魚仲好滑，一啲都冇炸過龍，青咖喱汁香得來唔太辣，配埋啲白飯啱啱好。泰式大蝦煎蛋辣肉碎飯，辣椒都幾多，適合鍾意食辣嘅人，最抵死係可以揀免費加多一隻煎蛋，非常食客友善！

K11依個商場，我都行咗好多次。不過都係買吓嘢好少喺度搵嘢食。晚餐嘅時間見到依間餐廳嘅鐵板餐好吸引，門口仲有大廚張錦祥嘅宣傳，睇返個餐牌都好多嘢食選擇。我同朋友就決定喺度一人一個餐解決個晚餐。我就要咗澳洲西冷牛扒，黑椒汁係店員幫手淋，咁就唔怕會彈到自己。黑椒汁同埋西冷牛扒真係好夾，西冷牛扒好嫩，餐湯就升級咗做兩日兩夜羅宋湯，加$3就有咁足料嘅羅宋湯真係唔錯👍🏻餐飲我就揀咗雪糕紅豆冰，經典嘅感覺。朋友嗰個係芝士煙肉長通粉與溫泉蛋，呢個長通心粉真係好有驚喜，佢有啲卡邦尼嘅感覺，芝士奶油嘅香味，再加上煙肉鹹鹹香香真係好惹味，將溫泉蛋篤開，流心嘅蛋黃液，再配埋通心粉一齊食，好吸引。如果唔轉餐湯就係是日餐湯，當日嘅餐湯係蘑菇湯，其實都好高質素。朋友嘅餐飲就係菠蘿冰，佢話夏天就需要一杯菠蘿冰消暑。😂

經過K11見到有間Ricky San開的餐廳常常看電視飲食節目都會見到他出現 即管試試名廚開的餐廳味道如何晚餐點了主餐都會附送是日餐湯黑松露蘑菇湯味道頗為濃郁 可惜來得有點晚 羅宋湯已經賣完了看圖片好多材料好豐富 下次要試試鴛鴦叉燒煎蛋飯是店內招牌排行榜第一名 鴛鴦叉燒有梅頭和豬腩兩個部位一款肉質比較嫩滑 豬腩部分就比較油香加上半熟流心蛋和甜醬油 確實不錯鐵板澳洲西冷牛扒在滾燙的鐵板上淋上黑椒醬汁 好香好誘人呀西冷扒好厚 吃起來肉質蠻嫩的配了大量薯菜還有一大碗飯 份量大到吃不完自家製葡撻可以優惠價加配 這個真的好好吃酥皮好鬆脆 蛋的部分好嫩不太甜 必吃推介菠蘿冰和檸檬茶都好好喝 鴛鴦檸檬令香味更有層次