Video
Read full review
2022-07-21
837 views
【#不進則退 😢】#海悅華宴之前經常係度飲下午茶，覺得質素幾好，於是介紹咗比網友試吓😄 其實我好怕「推介魔咒」出現，即係介紹完之後水準大跌watt，由好食變成難食😩不幸地，依個魔咒似乎出現咗🤢 介紹完之後來過幾次飲早茶，覺得點心質素冇以前咁好，如果你話早茶同下午茶師傅有唔同，咁個差別真係幾大🙁蒜香蝦春卷，幼幼長長好似幾「得意」，食落都係勉勉強強，少少脆身。以前好鍾意食 #叉燒腸粉 ，因為夠滑夠香，但今日食，腸粉皮又厚又實， 餡料又唔多冇乜香味，完全唔掂。以前有人教落，話腸粉如果係即做，隻碟唔會好熱，相反如果隻碟好熱，就好大機會係成碟翻熱🤔 如果有高人睇到，可以教吓我是否真確🙏同樣唔掂係個牛肉球，食過三次都係有種唔好味道，十足叮叮點心差唔多😱 以前根本唔會咁樣，今次都冇叫。最搞野係個蒸蘿蔔糕，面頭好似好多蘿蔔，但食落個底竟然好似就咁食舊粉咁🤤 我哋甚至懷疑佢係蒸咗一嚿齋粉，然後放好多蘿蔔喺面就算，撈餡非常馬虎😓唯一係 #馬拉糕 似樣少少，夠鬆軟👍真係唔知係咪換咗師傅，定係減咗腸粉個人手，腸粉質素明顯差咗好多， 撈餡都係一樣😕 見佢仍然座無虛席，但我暫旳唔會再去，亦收回之前對佢既欣賞💔海悅
之前經常係度飲下午茶，覺得質素幾好，於是介紹咗比網友試吓😄 其實我好怕「推介魔咒」出現，即係介紹完之後水準大跌watt，由好食變成難食😩
不幸地，依個魔咒似乎出現咗🤢 介紹完之後來過幾次飲早茶，覺得點心質素冇以前咁好，如果你話早茶同下午茶師傅有唔同，咁個差別真係幾大🙁
蒜香蝦春卷，幼幼長長好似幾「得意」，食落都係勉勉強強，少少脆身。
以前好鍾意食 #叉燒腸粉 ，因為夠滑夠香，但今日食，腸粉皮又厚又實， 餡料又唔多冇乜香味，完全唔掂。
以前有人教落，話腸粉如果係即做，隻碟唔會好熱，相反如果隻碟好熱，就好大機會係成碟翻熱🤔 如果有高人睇到，可以教吓我是否真確🙏
同樣唔掂係個牛肉球，食過三次都係有種唔好味道，十足叮叮點心差唔多😱 以前根本唔會咁樣，今次都冇叫。
最搞野係個蒸蘿蔔糕，面頭好似好多蘿蔔，但食落個底竟然好似就咁食舊粉咁🤤 我哋甚至懷疑佢係蒸咗一嚿齋粉，然後放好多蘿蔔喺面就算，撈餡非常馬虎😓
唯一係 #馬拉糕 似樣少少，夠鬆軟👍
真係唔知係咪換咗師傅，定係減咗腸粉個人手，腸粉質素明顯差咗好多， 撈餡都係一樣😕 見佢仍然座無虛席，但我暫旳唔會再去，亦收回之前對佢既欣賞💔
海悅華宴
西環石塘咀山道4-16號業昌大廈地下
@foodiehck2022 #港飲港食平靚正 #飲茶 #西營盤 #壽眉
Post
