Video
Read full review
2018-07-07
1912 views
油麻地向來是平民美食天堂，據說單是一條砵蘭街，就已經有過百間食店，幾乎甚麼類型的食物也有。早前有人相約我飯敍，就揀咗油麻地港鐵站 D 出口上蓋嘅一間西餐廳 「Love Café 拉斐特」。聽友人講，拉斐特其實是一間專業嘅婚禮統籌及活動策劃公司，全店佔地二萬呎，提供「一站式婚嫁服務」，當中又以證婚和婚宴款待為主幹，並且提供婚禮攝錄影服務、婚紗晚裝禮服、新娘化妝等。而今次我哋晚飯嘅地方就係位於二樓嘅「Love Café」，原來這個精打細算嘅鬼靈精，發現餐廳最近不但換了全新形象，而且仲推出咗個 7 週年限時優惠，客人凡惠顧晚餐時出示手機號碼，含一個 7 數字可享 9 折，兩個 7 數字可享 8 折，三個或以上 7 數字更可享低至 7 折。雖然我手機並沒有 7 字，不過友人個手提號碼就有一個，可以享有 9 折，唔怪得話帶我嚟食好嘢啦！特意唔搭𨋢，睇下樓梯同一樓大堂嘅佈置，用上紫色為主題，非常浪漫。至於二樓餐廳嘅裝潢就以白色為主，牆壁畫有食物圖案作點綴，令素白牆身不致單調，加上一室淺木色的餐桌，色調柔和，視覺上非常舒服。拿起店員送上的餐牌，晚市套餐共有六款選擇，包是日餐湯，主菜，精選甜品及咖啡或
油麻地向來是平民美食天堂，據說單是一條砵蘭街，就已經有過百間食店，幾乎甚麼類型的食物也有。早前有人相約我飯敍，就揀咗油麻地港鐵站 D 出口上蓋嘅一間西餐廳 「Love Café 拉斐特」。聽友人講，拉斐特其實是一間專業嘅婚禮統籌及活動策劃公司，全店佔地二萬呎，提供「一站式婚嫁服務」，當中又以證婚和婚宴款待為主幹，並且提供婚禮攝錄影服務、婚紗晚裝禮服、新娘化妝等。
而今次我哋晚飯嘅地方就係位於二樓嘅「Love Café」，原來這個精打細算嘅鬼靈精，發現餐廳最近不但換了全新形象，而且仲推出咗個 7 週年限時優惠，客人凡惠顧晚餐時出示手機號碼，含一個 7 數字可享 9 折，兩個 7 數字可享 8 折，三個或以上 7 數字更可享低至 7 折。雖然我手機並沒有 7 字，不過友人個手提號碼就有一個，可以享有 9 折，唔怪得話帶我嚟食好嘢啦！
特意唔搭𨋢，睇下樓梯同一樓大堂嘅佈置，用上紫色為主題，非常浪漫。至於二樓餐廳嘅裝潢就以白色為主，牆壁畫有食物圖案作點綴，令素白牆身不致單調，加上一室淺木色的餐桌，色調柔和，視覺上非常舒服。
拿起店員送上的餐牌，晚市套餐共有六款選擇，包是日餐湯，主菜，精選甜品及咖啡或茶，定價由 $118 至 $188 不等，套餐 +$15 可轉特飲，不過店員說餐廳而家做緊優惠，7-8 月期間惠顧晚餐，只需 +$7 就可以升級至夏日特飲 (原價要$28 㗎)，非常超值。至於散點方面，就有餐湯、沙律、前菜、小食、薄餅、漢堡、意大利飯、意大利麵同主菜等幾個項目可供選擇。筆者想吃魚，而有友人就睇中咗個燒豬仔骨，一於各取所需。
點完餐後，店員隨即送上餐前麵包，餐包拿上手仍帶點微暖，質地鬆軟，塗上牛油吃，味道不俗。
是日餐湯係南瓜忌廉湯，湯身呈鮮橙色，碟邊灑上了香草碎，湯面淋了少許忌廉作點綴，簡簡單單。趁熱馬上呷一口，質感唔算好濃稠，但非常綿滑，而且內裡還混入了少許南瓜絲，味道微甜，充滿南瓜香。
我揀嘅主菜香煎石斑扒配芥末子醬汁 ($188) 率先送上，石斑底下墊有烤薯仔同野菜天婦羅，分量十足。石斑扒非常大塊，勁厚身，肉質結實帶爽；心形器皿盛載的芥末子醬汁，口味溫和，辣味不會太嗆，用來配石斑扒，超美味。友人讚伴吃的薯仔，味道唔錯，粉腍入味；不過向來鍾意食香口炸物嘅我，就更喜愛旁邊的野菜天婦羅，入口帶微脆，用油新鮮清爽，食落不油膩。
至於友人點嘅美式醬汁燒豬仔骨 ($178)，主角烤豬肋骨送上桌時真係嚇咗一跳，size 比預期大了一倍，面層塗滿厚厚的 BBQ 醬汁，賣相非常誘人，碟上同樣伴有烤薯仔同野菜天婦羅，分量不少，如果是兩個女生嚟嘅話，應該食唔曬。Ribs 用的是美國 baby back ribs，肉質優勝，食落非常鬆軟，入口肉嫩汁豐，而且醃得好入味，帶煙熏香氣，加上酸甜適中嘅醬汁，口感分外惹味！。
是日精選甜品係芝士蛋糕同芒果布甸，甜品擺碟很精美，中間以朱古力醬畫上波浪線條，並綴以草莓及藍莓作裝飾。芝士蛋糕小巧的骰，食落不太 creamy，帶淡淡芝士香，唔錯；布甸口感不算很幼滑，但芒果味就非常突出，啱曬鍾意食芒果嘅朋友。
將飲品 upgrade 咗做夏日特飲，揀咗綠色嘅清涼夏日 Cool Summer (+$7) 同紅色嘅甜蜜蜜 Sweet Heart (+$7)，前者其實係冰凍嘅薄荷梳打，味道醒胃怡人，喝罷暑氣全消；而後者飲落就有點似紅莓汁，味道甜甜酸酸，既開胃又消滯。
聽店員講，原來餐廳 8 月仲會推出另一項優惠，凡以原價惠顧晚餐 1 客，第 2 客就只需 $70，嘩，咁抵，下次要帶埋家中嘅小鬼嚟吃晚餐先得！
Post
