Gochi (Closed)

⚛️樹熊生日的前夕，梗係揾返間西餐先夠氣氛💕。就佢放工過來就有得食，係樂富廣場揾到間幾有格局的日式西餐廳《Gochi》。📌位於樂富廣場A區，其實地鐵站A出口一出，轉左就係，超級方便。📌由地面門口入，地面層係bar枱層，牆架上放滿林林總總的酒瓶🍾，仲有標槍機🎯，成個酒吧格局🍻，返工後可以係度開狂歡作樂輕鬆一下。📌再上一層樓梯，就係餐廳吃飯地方。環境係超級大，樓梯一上，就見到一個大廳中間有一張十人大飯枱，成件事好似一間豪宅家中的飯枱一樣怖置得咁華麗，如果多人來聚餐一定會選擇呢張枱！📌然後，到另一邊廂，係另一個大廳，好多張四至六人梳化枱同二人圓枱，仲有窗口位望到街景。成個大廳地方好闊落，樓底高，燈光又充裕💡，空間感十足，無咩壓迫感好舒服，放工後來吃飯就係想坐得舒服。📌仲有兩張拱型圓枱雅座，自成一角，私人空間感好大。📌晚餐menu有二人豐盛晚餐，包2前菜、2主菜、2甜品同2飲品，價錢為$528，由前菜食到落甜品咁豐富，價錢都正路。炙燒厚切牛舌樹熊好喜歡吃牛舌，因為好喜歡牛舌好有咬口的質感。厚切牛舌有五大塊，真係勁厚切，目測起碼有0.5cm 咁厚，一塊大概3*3cm正方形咁大，份量黎講已經好抵食。