Video
Read full review
2013-03-21
84 views
同太太偶然會食吓拉麵，不過就唔會太刻意去「搵食」，隨而遇安啦，就好似今次咁，碰上信用卡推廣，簽滿某個金額，就送你現金券，晌無乜選擇下小弟就揀咗味千拉麵嘅現金券，原因都想食吓拉麵，其次荃灣有味千，返完佢教會可以一齊去食晏。雖然話拉麵熱停不了，唔少有份量嘅新店不斷出現，滿足一眾拉麵痴，但形成嘅競爭可想而知有幾大。味千拉麵話雖唔喺咩受追捧名店，但紮根香港咁多年，算喺薄有名氣，支持度亦有一定，睇睇佢依刻個午市有近十乘滿就知啦，有時經過仲見佢門口有人等位添。小弟唔喺味千擁躉，評論唔到佢往積，但印象中佢經常推陳出新，每季都搞啲新嘢出嚟，老實講吖，香港人就最鍾意貪新鮮，出新嘢可以喺市場策略上較易吸引食客幫襯。有時食過覺得麻麻哋，話明下次唔再嚟，但見佢有新款又再心思思，加上依家啲拍攝、執相功夫何其厲害，海報上嘅食物就算一舊蕃薯都可以變為極品。北海道帶子拉麵 $58老婆屬老派啲，新嘢唔太啱佢，所以從固有餐牌著手。打開餐牌，內裡基本上有成17款拉麵，定價範圍晌$44-$58，比出面動輒賣$80、$90一碗拉麵，對某啲人嚟講確喺另一個重要考慮因素。後幾頁，仲有啲定食（$51-$63）、石窩飯（$58-$59
雖然話拉麵熱停不了，唔少有份量嘅新店不斷出現，滿足一眾拉麵痴，但形成嘅競爭可想而知有幾大。味千拉麵話雖唔喺咩受追捧名店，但紮根香港咁多年，算喺薄有名氣，支持度亦有一定，睇睇佢依刻個午市有近十乘滿就知啦，有時經過仲見佢門口有人等位添。
小弟唔喺味千擁躉，評論唔到佢往積，但印象中佢經常推陳出新，每季都搞啲新嘢出嚟，老實講吖，香港人就最鍾意貪新鮮，出新嘢可以喺市場策略上較易吸引食客幫襯。有時食過覺得麻麻哋，話明下次唔再嚟，但見佢有新款又再心思思，加上依家啲拍攝、執相功夫何其厲害，海報上嘅食物就算一舊蕃薯都可以變為極品。
北海道帶子拉麵 $58老婆屬老派啲，新嘢唔太啱佢，所以從固有餐牌著手。打開餐牌，內裡基本上有成17款拉麵，定價範圍晌$44-$58，比出面動輒賣$80、$90一碗拉麵，對某啲人嚟講確喺另一個重要考慮因素。後幾頁，仲有啲定食（$51-$63）、石窩飯（$58-$59）、小食前菜（$26-$34）…等等。結果老婆揀咗最貴嘅北海道帶子拉麵，福島核電事故都兩週年，相信啲帶子真喺來自北海道，啲人都唔再咁上心啲安全問題，小弟就更一早拋諸腦後喇，正所謂生有時，死有時。
北海道帶子拉麵內裡有叉燒兩大片、帶子4粒、銀芽、菇菌、蔥等等。湯底還算不俗，雖未至於濃郁到漿口嗰個程度，但色澤奶白又帶肉香；叉燒都幾大片，肥肉唔多，啱我老婆口味，雖則鬆化談不上，至少唔喺好韌難入口；唯嗰幾粒帶子又真喺頗為奀，差啲發現佢哋唔到，而肉質？普通啦！輪到個麵條，份量就好夠架喇，唔覺唔覺食食吓都幾大碗，麵質都帶幾分彈牙，整體嚟講都收貨啦。
特選醬油拌麵 $52基本上我哋又唔喺特別因為佢出咗啲「新品発売」先嚟幫襯，不過見有兩款新嘢，小弟又想試吓囉。一款叫「元祖味千湯拉麵」，話用上全新元祖味千湯湯底，會更香更濃，不過我又無乜大興趣喎；另一款叫「特選！醬油拌麵」，睇樣又覺得幾過癮喎，所以就點一客試試，$52仲送一罐汽水，+$3可轉茶啡等熱飲，+$8則可改為味千果汁一樽。
張餐牌有以下嘅介紹：「穀物醋，加入可以提升鮮味，及令味道層次更豐富」，「特選醬油拌麵包括多款配料，其中有叉燒、溫泉蛋、昆布、紅薑絲、木耳、炸麵條、蒜蓉等。而黑醬油由日本直接運送，醬油含有微微的鮮魚味，更能帶出麵及其他食材的味道」。首先，隻溫泉蛋變咗粒鹵水蛋，真正嘅唔食都知唔好食；叉燒切成粒，都無所謂嘅，材料原來仲有筍乾；加咗啲炸麵條，唔覺得對個麵有咩特別，就算最後將啲麵跟所有材料撈勻食，都無一種味道有層次嘅感覺，反倒麵條沾滿醬汁就幾好食。
環境、招呼都只喺普普通通，對拉麵有要求嘅，味千絕對唔喺你杯茶；相反，無要求又想平平哋食碗拉麵，晌度又未嘗不可！最後，用上兩張$50現金券，補番廿蚊就走得！
Post
