Video
Read full review
2010-04-17
27 views
15-4-2010是日 lunch hour 風大雨大, 胃口卻離奇地小, 只想搵個唔會撞到人的地方「柄」埋食個簡餐, 嚟到鐵行里呢間半 mou 街茶檔搞掂. 叫了好似較特別的沙薑雞翼公仔麵 ($17), 加杯熱奶茶 ($10).奶茶先嚟, 好夠熱, 色水不錯, 飲落唔算十分滑, 茶底亦唔算好濃厚, 但茶味好香, 奶 vs 茶比例約 4:6, 有點九龍城樂園 (http://www.openrice.com/restaurant/commentdetail.htm?commentid=1885615) 的影子, 幾窩心的味道. 公仔麵亦好快有得食... 麵底係出前一丁, 淥得有點腍, 麻油香亦唔夠, 不過 MSG 湯底唔會太鹹, 食落亦無一般茶記公仔麵咁油膩, 算係咁; (雪)雞中翼亦算係咁, 沙薑味點到即止, 而雞肉就太黐骨又太硬了.「柄」埋後巷又半 mou 街的環境當然唔會好咗去, 不過阿姐 / 伙計哥哥好 nice, 茶檔食物嚟講食物亦 ok, 印象不錯的.放低 $27, 喺中環算係咁了, 唔知遲 d 有無機會嚟食早餐?
是日 lunch hour 風大雨大, 胃口卻離奇地小, 只想搵個唔會撞到人的地方「柄」埋食個簡餐, 嚟到鐵行里呢間半 mou 街茶檔搞掂. 叫了好似較特別的沙薑雞翼公仔麵 ($17), 加杯熱奶茶 ($10).
奶茶先嚟, 好夠熱, 色水不錯, 飲落唔算十分滑, 茶底亦唔算好濃厚, 但茶味好香, 奶 vs 茶比例約 4:6, 有點九龍城樂園 (http://www.openrice.com/restaurant/commentdetail.htm?commentid=1885615) 的影子, 幾窩心的味道.
公仔麵亦好快有得食... 麵底係出前一丁, 淥得有點腍, 麻油香亦唔夠, 不過 MSG 湯底唔會太鹹, 食落亦無一般茶記公仔麵咁油膩, 算係咁; (雪)雞中翼亦算係咁, 沙薑味點到即止, 而雞肉就太黐骨又太硬了.
「柄」埋後巷又半 mou 街的環境當然唔會好咗去, 不過阿姐 / 伙計哥哥好 nice, 茶檔食物嚟講食物亦 ok, 印象不錯的.
放低 $27, 喺中環算係咁了, 唔知遲 d 有無機會嚟食早餐?
Post
