Video
Read full review
2021-12-27
1457 views
臨近聖誕，約咗同樣晌中環返工嘅舊同學食晏，當喺慶祝又好，當喺聚一聚又好。其實我都有少少怕食晏時間出嚟同人逼，因為中環放飯時段真喺好多人，人山人海咁，但同老同學食飯就點都要出嚟嘅。選址揀咗新開無耐嘅「PHI」，小弟就未到訪過，試新嘢我一向好有興趣。餐廳嘅裝修帶點文青，一來以淺色木系為主調，配以柔和燈光，予人感覺舒服；二來喺好多位置都插上大量乾花、植物木，簡約富文藝氣氛，有份寫意感。晌門口望入去，感覺室內環境好似唔喺好大，再走入啲，原本個鋪位都幾深、幾長。此外，除咗招牌嘅梳乎厘班戟之外，佢哋嘅甜品都好有亮點，晌餅櫃裡邊就放有實物，當然要影一影啦。食物方面，主打自然喺其梳乎厘班戟，款式十分之多，仲有多種鹹食，如三文治、法式多士、沙律、意大利麵、全日早餐、熱香餅，以及多款蛋糕；而飲品亦都非常多元化、多選擇，點主食，更可以以優惠價加配。時值聖誕，店家亦相應節目推出咗幾款應節梳乎厘、特飲同咖啡。不過，小弟食評出街之時，呢個節日限定都應該完結咗。青口煙肉意粉 $88先嚟一碟鹹點墊墊肚先，本來就想試個辣蕃茄蟹肉扁意粉，不過，舊同學唔食得辣，就揀呢一道意粉，睇落亦都唔差喎，除了青口、煙肉，仲有啲大蜆，青
餐廳嘅裝修帶點文青，一來以淺色木系為主調，配以柔和燈光，予人感覺舒服；二來喺好多位置都插上大量乾花、植物木，簡約富文藝氣氛，有份寫意感。
晌門口望入去，感覺室內環境好似唔喺好大，再走入啲，原本個鋪位都幾深、幾長。
此外，除咗招牌嘅梳乎厘班戟之外，佢哋嘅甜品都好有亮點，晌餅櫃裡邊就放有實物，當然要影一影啦。
食物方面，主打自然喺其梳乎厘班戟，款式十分之多，仲有多種鹹食，如三文治、法式多士、沙律、意大利麵、全日早餐、熱香餅，以及多款蛋糕；而飲品亦都非常多元化、多選擇，點主食，更可以以優惠價加配。
時值聖誕，店家亦相應節目推出咗幾款應節梳乎厘、特飲同咖啡。不過，小弟食評出街之時，呢個節日限定都應該完結咗。
青口煙肉意粉 $88先嚟一碟鹹點墊墊肚先，本來就想試個辣蕃茄蟹肉扁意粉，不過，舊同學唔食得辣，就揀呢一道意粉，睇落亦都唔差喎，除了青口、煙肉，仲有啲大蜆，青口同大蜆入口都幾鮮甜，煙肉就添加咗啲鹹香味，意粉煮得咬口，又帶點點蒜香氣味。
青口煙肉意粉
$88
16 views
0 likes
0 comments
其實，店家嘅多款梳乎厘都好吸引，真喺唔易揀，然而，舊同學算喺抹茶控，就即時變得無懸念。單睇個梳乎厘嘅賣相，已經無得輸，3大個厚身嘅梳乎厘班戟，再鋪上紅豆、抹茶忌廉、抹茶金寶、三色小丸子、抹茶寒天、抹茶吉士醬，臨近聖誕，就加多個聖誕裝飾。梳乎厘部份鬆軟綿綿，空氣感強，微微濕潤，極有蛋香，紅豆又綿又清甜，金寶焗得好香脆，小丸子口感軟糯煙韌，寒天滑溜無比，配以忌廉、吉士醬，真喺非常好食。
宇治抹茶紅豆梳乎厘
$112
14 views
0 likes
0 comments
福鼎白茶 +$32佢哋嘅茶品都喺成壺咁上，可以慢慢嘆，而最特別，喺附有一張小卡介紹所點嘅茶品，就好似呢一款白茶，3年陳，平性，不寒不熱，有抗氧化，促進新陳代謝之效。舊同學就話最初幾口就比較淡，但浸耐咗，嗒得出其茶香，清新淡雅，感覺舒服。
黑糖鮮奶咖啡 +$32雖然無啲好靚嘅拉花晌杯面，不過，唧咗少少忌廉，又加片葉做裝飾，外觀都唔錯。而飲落，咖啡好醇香，並滲出微微嘅黑糖清甜香味，口感亦好平衡，奶泡跟濃縮咖啡撞得均勻。題外話，小弟亦好鍾意佢隻咖啡杯，線條靚，手感好！
橙慕絲蛋糕 $48未夠喉，最後再追加一客甜點：橙慕絲蛋糕，外型絕對喺交足貨，成個香橙咁款，有晒果椗旁嘅摺紋。切開睇睇，裡面喺清香嘅香橙慕絲，口感極之軟滑，而中間有一層橙味軟心果蓉，酸香好食，作為今餐結尾，真不錯。
剛到步，門口有好多人等位，所以，趁離開前，再晌門口嘅「榻榻米」位補番張相，相信都喺俾人打卡用，午市時段就俾人坐晌度等位，應該唔會有人坐晌度食嘢喇，一來香港人都唔喺好慣坐，二來對面喺商廈地盤景囉！
咁舒服寫意嘅環境，只可惜都喺放飯時間過嚟，未能再坐耐啲。雖然喺繁忙時段，但招呼都唔錯，店員亦好有禮，事後再上網睇睇，原來已開到第4間店，真喺一家不容忽視嘅咖啡店。
Post
