Video
Read full review
2019-04-19
1330 views
之前去親1881 Heritage都係嚟影聖誕燈飾，但今次我哋初嚐位於1881 Heritage既餐廳，就係Van Gogh SENSES。Van Gogh SENSES 主要分為兩大區，一入門口係賣紀念品嘅地方，經過紀念品區就會到達用餐區，掛係牆既LED屏幕一直播放梵高嘅作品，一路行令我感覺彷如身處畫廊。一坐低發現樓底非常高，私隱度亦高因為枱與枱之間嘅距離非常足夠，同女友講秘密都唔需要竊竊私語。Set Dinner有頭盤、餐湯、主菜同甜品。主菜可以二選一，我哋每人叫一個set dinner，可以試曬兩款主菜。職員會預先問我地有冇食物過敏，非常貼心。職員好快送上一客麵包籃，裏面包括蔥油包、合桃無花果麵包等等。前菜為三文魚他他配牛油果及蜜糖芥茉醬，職員建議我哋所有材料一齊食，口感更佳。賣相方面美不勝收。三文魚他他特別軟嫩，芥茉醬帶有少少辣度，更能突出三文魚嘅鮮味，牛油果同三文魚他他亦係絕配。餐湯係青蘆筍湯配帶子藜麥。我自己麻麻哋藜麥，不過整體味道出色，尤其係自己非常鍾意蘆筍。另外，帶子處於半透明嘅狀態特別鮮甜。終於到主菜啦！女友揀左烤美國肉眼五成熟，雖然size比較細，但切開肉眼時見到迷
一坐低發現樓底非常高，私隱度亦高因為枱與枱之間嘅距離非常足夠，同女友講秘密都唔需要竊竊私語。
Set Dinner有頭盤、餐湯、主菜同甜品。主菜可以二選一，我哋每人叫一個set dinner，可以試曬兩款主菜。職員會預先問我地有冇食物過敏，非常貼心。
職員好快送上一客麵包籃，裏面包括蔥油包、合桃無花果麵包等等。
前菜為三文魚他他配牛油果及蜜糖芥茉醬，職員建議我哋所有材料一齊食，口感更佳。賣相方面美不勝收。三文魚他他特別軟嫩，芥茉醬帶有少少辣度，更能突出三文魚嘅鮮味，牛油果同三文魚他他亦係絕配。
三文魚他他配牛油果及蜜糖芥茉醬
23 views
0 likes
0 comments
餐湯係青蘆筍湯配帶子藜麥。我自己麻麻哋藜麥，不過整體味道出色，尤其係自己非常鍾意蘆筍。另外，帶子處於半透明嘅狀態特別鮮甜。
青蘆筍湯配帶子及藜麥
23 views
0 likes
0 comments
終於到主菜啦！女友揀左烤美國肉眼五成熟，雖然size比較細，但切開肉眼時見到迷人嘅粉紅色既一刻，我就知道味道必定非同凡響。外皮稍為香脆，肉質鬆軟鮮嫩，肉味濃郁多汁。其他配菜例如薯蓉、甘荀亦相當出色。當然擺盤一如以往充滿藝術氣息。
烤美國肉眼
24 views
0 likes
0 comments
我就揀左釀法國鵪鶉配風乾豬腩肉。一切開果然內有乾坤，鵪鶉釀入多種材料例如蘿蔔、煙肉等等，令肉質更加鮮嫩多汁，整體味道帶點酸度，令我大開眼界。另外鵪鶉下方嘅配菜非常香脆。
釀法國鵪鶉配風乾豬腩肉
21 views
0 likes
0 comments
甜品係朱古力布朗尼配雲呢拿雪糕，睇相片就知道賣相一啲都唔平凡。據職員描述，梵高一生畫過四幅關於以鳥巢主題嘅畫。由見及此，餐廳用朱古力做出鳥巢造型，再配甜度適中既布朗尼，體驗雙重朱古力滋味。以雪糕比喻畫中嘅鳥蛋亦是一絕。
朱古力布朗尼配雲呢拿雪糕
21 views
0 likes
0 comments
最後每人有兩杯餐飲。對比其他西餐廳，餐飲嘅選擇非常廣泛，上至冰茶，下至朱古力咖啡，一應俱全。我揀咗法式焦糖牛奶咖啡。同甜品做法一樣，以火槍燒至面層焦化，製成脆口既焦糖面。焦糖嘅甜中和咖啡嘅苦澀，同時保留牛奶咖啡既香滑。
法式焦糖牛奶咖啡
20 views
0 likes
0 comments
至於女友叫咗薑橙迷情，職員話等沙漏流完沙之後先倒茶。
薑橙迷情
14 views
0 likes
0 comments
值得一提，餐廳所用嘅餐具格外精緻高貴，後來發現原來紀念品店有得買。自己最想買薑橙迷情嗰一set茶具。
我相信Van Gogh SENSES係我到目前為止最美好既晚餐體驗。品嚐食物之餘又可以加深對偉大嘅畫家梵高嘅認識，感受藝術，實屬難得。
Post
