榴蓮王 (Closed)

同朋友喺廟街食完煲仔飯，喺街頭見到呢間榴槤王，同樣都係榴槤控嘅我哋就即刻決定食埋甜品先走。貓山王榴槤Pizza＄88芝士加榴槤兩樣濃味食物，原來加埋一齊夾到不得了。薄薄嘅批皮上面放上車打芝士，再鋪滿榴槤蓉，最後加上水牛芝士，味道是香、甜、軟、濃於一身。店員落芝士是毫不手軟，拉絲效果強勁。批底果然極薄，口感似薯片，令整體更香口。超推介呢個榴槤Pizza ,食完仲想食。D24榴槤卷＄42兩條榴槤卷揀左D24，比起濃郁既貓山皇，D24個味道比較清甜，好岩凍食。軟熟既餅皮入面全部係果肉，同班戟唔同，裡面並無加入忌廉，真材實料，啖啖都食到榴槤甜味。熱既桔仔水，酸酸甜甜可解膩。