Video
Read full review
2019-12-24
98 views
臨近年尾要做節, 食完冬至飯, 硬係覺得有啲嘢未滿足， 原來係未食甜品！ 如是者，一家人就浩浩蕩蕩 去屋企樓下間甜品舖 繼續續攤。 屋企樓下間甜品舖叫做dessert country， 乜嘢甜品款式都有啱曬不同年紀嘅人， 由台式果汁， 到中式糖水，再到芋圓豆腐花，再到pancake梳乎拿破崙等等應有盡有。招牌綜合芋圓 呢碗招牌芋圓，勁多配料包括咗豆腐花，黑糖珍珠，紫薯西米，三色芋圓與及香草雪糕。 芋圓地瓜圓及紫薯芋圓都好大粒， 煙煙靭靭有咬口， 各種嘅味道也重不會淨係得糯米粉的味道。 黑糖珍珠 ，大細適中唔個甜，而且份量好多。 最特別係紫薯西米唔係淨係得個樣仲有紫薯味道㗎， 好睇又好食。 士多啤梨藍莓窩夫48 窩夫仲喺廚房嘅時候，啲香氣已經飄緊出嚟。 即叫即整的窩夫，富有蛋香外面非常脆， 而且入面仍然有軟熟心潤嘅口感好食。 配埋士多啤梨雪糕 滑溜得呢酸酸甜甜， 厚身窩夫配埋雪糕同埋 士多啤梨醬，加埋新鮮的士多啤梨和藍莓又點會有得輸？ 花香鮮果冰茶 呢杯鮮果冰茶水果特別多， 有橙有提子有奇異果火龍果與及藍莓， 綠茶底味道甘香，配上鮮果可以消滯。 榴槤忘返 呢個甜品 ，就好
屋企樓下間甜品舖叫做dessert country， 乜嘢甜品款式都有啱曬不同年紀嘅人， 由台式果汁， 到中式糖水，再到芋圓豆腐花，再到pancake梳乎拿破崙等等應有盡有。
招牌綜合芋圓
呢碗招牌芋圓，勁多配料包括咗豆腐花，黑糖珍珠，紫薯西米，三色芋圓與及香草雪糕。 芋圓地瓜圓及紫薯芋圓都好大粒， 煙煙靭靭有咬口， 各種嘅味道也重不會淨係得糯米粉的味道。 黑糖珍珠 ，大細適中唔個甜，而且份量好多。 最特別係紫薯西米唔係淨係得個樣仲有紫薯味道㗎， 好睇又好食。
士多啤梨藍莓窩夫48
窩夫仲喺廚房嘅時候，啲香氣已經飄緊出嚟。 即叫即整的窩夫，富有蛋香外面非常脆， 而且入面仍然有軟熟心潤嘅口感好食。 配埋士多啤梨雪糕 滑溜得呢酸酸甜甜， 厚身窩夫配埋雪糕同埋 士多啤梨醬，加埋新鮮的士多啤梨和藍莓又點會有得輸？
花香鮮果冰茶
呢杯鮮果冰茶水果特別多， 有橙有提子有奇異果火龍果與及藍莓， 綠茶底味道甘香，配上鮮果可以消滯。
榴槤忘返
呢個甜品 ，就好似食緊原個榴槤一樣，除咗有榴槤肉之外，仲有一大碗榴槤汁，配埋西米， 口感煙煙銀銀。 而且涼粉的份量也很多。 最重要係配襯少少芒果肉，酸酸地更可以帶起榴槤的甜度。
Post
