Video
Read full review
2021-03-25
3272 views
舊年11月到訪過「樂感 」（Lagom Kaffe）牛頭角店，印象唔錯，尤其啲咖啡幾出色，窩夫及自家製麵包都頗有特色。最近，聽食友分享，「樂感」最近晌觀塘都開咗新店，地方更大，更有室外位。乘着過開嚟觀塘，就試試這家觀塘店。果然喺幾大熱，門口堆滿人，好彩地方大，位多，走咗一批午餐客，都唔算等好耐，就有位。 餐廳嘅室內位本身都頗大，裝修以簡約為主，唔算好花巧，色調就以湖水綠拼啡，加上樓底都有啲高，唔會好侷促，總之就一派簡約咖啡店格局。 而另一部份室外位，原來亦唔細，主要放嘅喺梳化椅，甚有峇里風情。天氣和暖嘅，曬曬日光浴都幾唔錯，但就無設太陽傘，唔知到盛夏嘅時候仲喺唔喺咁。此外，店家觀迎帶寵物，亦提供土耳其水煙，不過，就因為呢兩點我哋覺得坐番室內好啲。 餐牌跟牛頭角店有啲分別，唔見有窩夫供應，其他嘅就差不多，如全日都供應嘅輕食、意粉、沙律，仲有各種咖啡、精品茶，以及其他特飲。另外，就仲有一啲蛋糕及烘焙產品，堂食或賣走都得。 雞肉凱撒沙律･溫泉蛋 $78凱撒沙律部份做到足，依樣有煙肉碎、烘麵包粒，仲灑下唔少巴馬臣芝士，醬汁亦調校得酸香開胃，篤開隻溫泉蛋，將蛋漿撈勻，味道更具層次，又加咗啲藜麥，
餐廳嘅室內位本身都頗大，裝修以簡約為主，唔算好花巧，色調就以湖水綠拼啡，加上樓底都有啲高，唔會好侷促，總之就一派簡約咖啡店格局。
而另一部份室外位，原來亦唔細，主要放嘅喺梳化椅，甚有峇里風情。天氣和暖嘅，曬曬日光浴都幾唔錯，但就無設太陽傘，唔知到盛夏嘅時候仲喺唔喺咁。此外，店家觀迎帶寵物，亦提供土耳其水煙，不過，就因為呢兩點我哋覺得坐番室內好啲。 
餐牌跟牛頭角店有啲分別，唔見有窩夫供應，其他嘅就差不多，如全日都供應嘅輕食、意粉、沙律，仲有各種咖啡、精品茶，以及其他特飲。另外，就仲有一啲蛋糕及烘焙產品，堂食或賣走都得。
雞肉凱撒沙律･溫泉蛋 $78凱撒沙律部份做到足，依樣有煙肉碎、烘麵包粒，仲灑下唔少巴馬臣芝士，醬汁亦調校得酸香開胃，篤開隻溫泉蛋，將蛋漿撈勻，味道更具層次，又加咗啲藜麥，更健康有營，啲沙律菜入口新解爽脆；最驚喜喺啲雞肉，個樣好似無乜嘢，查實咬落好嫩滑。
雞肉凱撒沙律･溫泉蛋
$78
76 views
0 likes
0 comments
鮭魚･牛油果･香草三文治 $98 三文治採開放式，塗上薄薄牛油果蓉之後，再放下煙三文、三文魚籽、羊奶芝士、新鮮香草，賣相當然變得吸晴好多。麵包採用酸種嘅歐陸包，食落煙韌有嚼勁，富麥香，配上咁多食材，味道豐富。不過，個人嚟講，就鍾意啲牛油果切成一片，多過搓成蓉嚟做三文治，因為一片片食到嗰種軟滑嘅「牛油」感。
瑰神 $48單睇個名字你唔會知喺乜，但睇番英文，就喺玫瑰果搭洛神花，相信喺取中間個字就叫做「瑰神」，其實，茶包內仲有好多成份，睇餐牌就有列明到。整體，老婆就話飲落單單似洛神花茶，亦喺主要嘅味道，不過，呢杯賣點都喺賣健康、有療效。
純粹拿鐵鮮奶咖啡 $34 嚟呢度目標之一都喺嘆咖啡，鮮奶咖啡喺小弟嘅不二之選咁制，再者，打算會叫甜點，就要杯靚咖啡嚟襯吓。今次嘅拉花喺簡單嘅心形，都拉得靚，花紋算清晰，亦叫得對稱，但可以仲好啲，而味道非常醇香，用靚豆嘅話，差唔得去邊。
巴斯克伯爵茶芝士蛋糕 $52 上次已試過佢哋嘅戚風蛋糕，但又無窩夫供應，所以，今次見到餅櫃有啲巴斯克芝士蛋糕，就試一試。咩喺巴斯克芝士蛋糕？其實就喺將芝士蛋糕焗濃啲，要咗伯爵茶味，最鍾意佢哋再淋啲伯爵茶漿，賣相更好睇。個蛋糕嘅質素好唔錯，挺身得嚟，口感保持軟滑，鹹鹹哋嘅芝士味中滲出濃郁嘅伯爵茶香。
幾款食物都好有質素，招呼都OK啦（仲有啲提昇空間），當然，環境夠寫意，亦喺「樂感」嘅亮點。怪不乎星期六嘅下午，客人絡繹不絕啦！
Post
