Video
Read full review
2020-03-18
943 views
早排朋友喺度打過卡，見食物賣相精緻，一問之下原來係一間需要訂座留位嘅蒸氣鍋私房菜，一星期前打電話留位，今日終於可以同先生嚟撐枱腳。餐廳唔算大，但店內明顯用心佈置過，感覺溫馨舒服。訂座時有三個套餐選擇，價錢由平到貴，我哋揀咗中等價錢嘅Menu B，共有九道菜。入座後侍應先為我哋加入十六穀粥同配料喺鍋底，有粟米、魚肚、粟子同黑豚肉，非常豐富，一般嘅蒸氣鍋粥底都係白粥，有啲比較有心思嘅餐廳會加入豬肉，所以呢度嘅十六穀粥底實在令人期待。放入粥底後第一道菜係XO瑤柱北海道扇貝，扇貝係珍寶尺寸，肉質鮮嫩肥美，伴上XO醬、蘆筍同辣椒，唔單止冇掩蓋扇貝嘅味道，反而令鮮味更突出！海老虎班鮮嫩彈牙，簡單沾上少許辣椒豉油已經非常完美。紐西蘭托托貝超大隻，肉質肥美，口感彈牙，帶有好濃嘅海水味，蕃薯貝味道同樣鮮甜，配搭紅莧菜除咗賣相美觀，蒸完後紅莧菜吸收左托托貝嘅味道，亦份外清甜。鮮雞件配上紫蔥同粟子，蒸完後散發住淡淡嘅栗子清香，雞件非常嫩滑，帶有酒香。蟹肉海膽粉卷、安格斯牛拼露筍同櫻花蝦豆腐係一齊蒸，賣相精美，中間以豆苗分隔開，防止味道混雜。蟹肉海膽粉卷入口有絲絲新鮮蟹肉，味道鮮美。牛肉同蘆筍一向係最佳拍檔，
餐廳唔算大，但店內明顯用心佈置過，感覺溫馨舒服。
粟米魚肚粟子黑豚十六穀粥
21 views
0 likes
0 comments
訂座時有三個套餐選擇，價錢由平到貴，我哋揀咗中等價錢嘅Menu B，共有九道菜。入座後侍應先為我哋加入十六穀粥同配料喺鍋底，有粟米、魚肚、粟子同黑豚肉，非常豐富，一般嘅蒸氣鍋粥底都係白粥，有啲比較有心思嘅餐廳會加入豬肉，所以呢度嘅十六穀粥底實在令人期待。
蒸XO瑤柱北海道扇貝
24 views
0 likes
0 comments
放入粥底後第一道菜係XO瑤柱北海道扇貝，扇貝係珍寶尺寸，肉質鮮嫩肥美，伴上XO醬、蘆筍同辣椒，唔單止冇掩蓋扇貝嘅味道，反而令鮮味更突出！
有機蔬菜蒸海老虎班件
22 views
0 likes
0 comments
海老虎班鮮嫩彈牙，簡單沾上少許辣椒豉油已經非常完美。
蒸紐西蘭托托貝拼蕃薯貝
37 views
0 likes
0 comments
紐西蘭托托貝超大隻，肉質肥美，口感彈牙，帶有好濃嘅海水味，蕃薯貝味道同樣鮮甜，配搭紅莧菜除咗賣相美觀，蒸完後紅莧菜吸收左托托貝嘅味道，亦份外清甜。
紫蔥粟子蒸本地新鮮雞
34 views
0 likes
0 comments
鮮雞件配上紫蔥同粟子，蒸完後散發住淡淡嘅栗子清香，雞件非常嫩滑，帶有酒香。
鮮拆蟹肉海膽粉卷
17 views
0 likes
0 comments
蟹肉海膽粉卷、安格斯牛拼露筍同櫻花蝦豆腐係一齊蒸，賣相精美，中間以豆苗分隔開，防止味道混雜。蟹肉海膽粉卷入口有絲絲新鮮蟹肉，味道鮮美。
堂灼安格斯牛肩胛拼露筍
25 views
0 likes
0 comments
牛肉同蘆筍一向係最佳拍檔，安格斯牛肩胛牛味突出，配上清甜爽脆嘅蘆筍，沾上少少辣椒豉油，一拍即合。
櫻花蝦豆腐
13 views
0 likes
0 comments
豆腐味道清新，質感軟滑，配上鹹鮮嘅櫻花蝦，味道同口感剛好互補。
蒸青花龍蝦
32 views
0 likes
0 comments
青花龍蝦開邊蒸，配搭紫椰菜花、粟米同豆苗，色彩繽紛，賣相吸引。
蒸青花龍蝦
39 views
0 likes
0 comments
龍蝦非常新鮮，蝦頭有軟滑嘅蝦膏，味道香濃，蝦肉結實彈牙。
粟米魚肚粟子黑豚十六穀粥
40 views
0 likes
0 comments
最後當然唔少得全晚最精華嘅部份，就係享用埋鍋底嘅十六穀粥，同以往食過嘅蒸氣鍋粥底唔同，有時會因為蒸過好多海鮮令粥底鮮味過重，食落味道好濃而且偏鹹，我更喜歡十六穀粥清清甜甜嘅味道，恰到好處。
喺度食蒸氣鍋好有食緊法國菜嘅感覺，食材配搭新鮮，賣相精緻，侍應服務細心到位，而且餐廳只有兩大一細三張枱，空間感好夠，可以慢慢品嘗每一道菜色，完全扭轉咗蒸氣鍋俾人嘅印象！
Post
