泰 (Closed)

一行4人同朋友相約食晚飯，無睇餐牌全由佢地發板叫乜就食乜。小食拼盤掛住食，唔記得左影相，失策🤣。🍴香葉包雞有兩件，比人搶哂無食到。泰式春卷脆口好食。🍴泰式蝦餅彈牙有蝦味。🍴暹羅炸魚餅口感紮實，魚味香。磯燒海鮮叫左蜆、鮑魚、蟶子😀。🍴自己親自燒，聽到卜卜聲就食得啦，蜆肉新鮮帶甜味。🍴鮑魚用筷子輕碰邊位，明顯郁動，證明夠新鮮，食落都好彈牙。🍴蟶子處理乾淨，就算乜都唔落但食落都有鮮甜味。