港澳義順牛奶公司 (Closed)

晚上6點到因為約左朋友未夠鐘食晚飯，但有少少肚餓，經過見到義順朋友話想食就入去食，呢個時候食甜品係唔需要等位，太好！馳名雙皮燉奶 $36已經好耐冇食過雙皮奶，今次叫左個凍既食，味道係保持到，都仲係好滑同夠香，好重奶味，最緊要係唔太甜，完全岩哂我口味，不過價錢就真係越嚟越貴，份量亦細。巧手薑汁燉鮮奶 $37同雙皮奶其實好似，係多左薑汁既味道，薑汁略嫌過辣，好彩陣味都可以接受到，燉奶係滑既，不過就唔算出色。