港澳義順牛奶公司 (Closed)

每次行經佐敦都會唸起澳牛，今日諗住去幫襯下，點知因為疫情關係摸門釘，唯有係附近再行下睇下有咩好食，行咗去隔離街就見到義順，諗諗吓又真係好耐冇食過雙皮奶，所以就入咗去振興經濟喇。😝餐牌選擇唔係話好多，價錢中規中矩。馳名雙皮燉奶 ($36) : 自己鐘意食凍既，雙皮奶夠哂滑，而且奶味超濃郁，尤其係表面果層衣，每食一啖之後，口腔重會散發陣陣濃郁既奶香，真係超級正呀。😍 冰花燉雞蛋 ($28) : 食一款唔夠喉，所以心郁郁試埋第二款 😝 今次侍應叔叔話熱食正啲，所以就叫咗熱，燉蛋同雙皮奶比就遜色咗少少，蛋味唔夠濃郁，不過味道都唔差。

網紅店當然要去打卡，喜歡奶製品的寶寶們可以去光顧了。其實這家店的服務就一般啦，店員就是港原住民。通心粉感覺一般了， 雙皮奶 雙皮奶很好，招牌嘛。這裡的餐單比較單一， 火腿蛋三明治 三明治也很好吃，進門前最後先想好點什麼，態度畢竟不咋好。

係jordan行到熱辣辣～想食d凍嘢抖下涼～見到義順再見到佢d朱古力燉奶心動了～行動左入去食😂😂😂🌟朱古力燉奶（$37）每次黎都係叫佢好濃朱古力～～其實屋企都可以整但就係太懶😂😂$37黎講其實有d貴不過其他甜品舖又冇出lee個😭😭🌟薑汁燉鮮奶（$37）男朋友叫左個養生嘢😂😂😂仲要熱ge好滑～薑汁都唔會太辣～但都係覺得有d貴啊！！☀️☀️☀️☀️🌤☀️☀️☀️☀️☀️☀️☀️☀️☀️間5中食下都okkk中學時成日食回憶黎～😂😂

入左去食午餐，食物好一般可能因疫症人流好少但最好重要係啲員工好嘈⋯個幾個嬸嬸講野好大聲咁傾計大聲到坐我對面嘅朋友講野我都聽唔到到最後嘈到我拿拿淋走，頭都痛埋大佬⋯

義順是香港人的回憶，我便走進試試，疫情下，人流不太多，對客人來説，是件好事。先來個午餐，牛肉米粉。分量適中，牛肉有五大片，味道正常。煎雙旦午餐肉，平平凡凡，如比較的話，澳牛較有水準和出眾。熱杏仁，味濃，可以。豬扒包，豬扒厚道可以，包質較輕身，味道可以。全店最重要的食品，雙皮奶，我點熱的，是香港唯一的雙皮奶，入口滑滑的，不太甜，有牛乳味。總體而言，味道是地道的，是港式茶餐廳之選，甜品亦是老香港的食品，可以再來光顧。

好耐冇食過義順嘅雙皮燉奶, 今日咁岩晚餐喺佐敦食, 就諗住過去食返碗熱辣辣嘅雙皮奶做飯後甜品義順嘅座位好細, 唔係好好坐, 但係雙皮奶嘅口感同味道就做得非常出色<馳名雙皮燉奶>熱辣辣嘅雙皮奶係採用左維記鮮奶鮮奶味非常突出, 薄薄嘅鮮奶皮下, 係順滑嘅燉奶, 食落好似食緊豆腐咁, 入口即溶, 甜度幾高, 但非常好食但係$36一碗燉奶, 大食妹就覺得有啲貴啦

其實已經好耐冇食義順嘅雙皮奶， 冰花燉蛋 真係估佢唔到疫情之下都仲要等位， 結果我選擇外賣 雙皮奶依然係咁嫩滑 入口嗰浸奶香味 真係揮之不去 令你食完一碗想再食多碗， 反而冰花燉蛋 又真係冇咁好味 可能呢個自己都做到 所以覺得都係要食返雙皮奶

薑汁撞奶，第一次吃義順是在澳門，當時覺驚喜，又濃又辣辣的薑汁撞上熱辣辣的奶，凝固後用匙一口一口像豆腐花般吃著，有滑溜溜的口感時又有奶香，同時亦有剌刺烈烈的薑汁味，吃完成個胃暖苙苙的。最近去佐敦時途經義順，一於吃番碗薑汁撞奶暖一暖，又可驅寒。薑汁撞奶一上枱，外觀雪白，軟滑度相同，但一吃就覺有些失望。點解? 因為味道差太遠了。奶味唔多亦唔多香，薑味亦唔多覺有，應有的辣辣薑味去咗邊，就是一個普通的燉奶而已。

今天下午經過義順冇乜人，一於入去食甜品。我叫了一碗燉雙皮奶熱，上面有一層奶皮，配合濃濃的牛奶味，入口軟滑，非常美味😋太太叫了一碗冰花燉蛋，充滿蛋香，不會太甜，恰到好處 😋食熱的朋友要注意，最好攤凍少少才吃，否則容易燙到 !

之前係澳門食過兩次覺得普通所以之後去澳門都已經轉食另一間既雙皮奶有晚係佐敦食完dinner 時間尚早，見到附近有義順，就試一下係第一次係香港店食義順依排轉涼，叫左個熱紅豆雙皮奶，同熱燉蛋上既速度好快，紅豆好大粒而且夠分明，唔係爛哂甘一食落去果然正，紅豆味濃，少少沙，但又有原粒咬口，下面雙皮奶，奶味勁濃，兩者配合得超好！！！真係好好味反而澳門店做唔到，唔知係咪奶既分別？ 見到佢出面擺哂維記玻璃樽奶，可能就係用玻璃樽奶先做到甘濃奶味又滑既效果燉蛋一食又係好濃蛋味但唔係蛋腥味，都好滑，但個人like 燉奶多d~~同埋雙皮奶真係食到有塊皮架

一送來，火腿的香味撲鼻而來。一咬，火腿的質感彈牙，加上清湯和午餐肉配料，令火腿加上一種幸福和清新的感覺。然後，餐蛋的蛋黃融入清湯湯底，令淡而無味的清湯，加上一些色彩！

黎呢度 唔係食雙皮奶就火腿蛋🤣等我今次食下d冷門野先！叫左個午餐肉公仔麵 雖然平平無奇但個麵底 煮得啱啱好 唔會太淋 唔會太硬午餐肉 厚度幾好！幾有良心🤪加少少辣油，就很滿足了😚

For me, Yee Shun is the top place to savour “double steamed milk”. It’s a really traditional steamed milk shop, yet it doesn’t lose its creativity. Red bean are added into the steamed milk, makes it even more special and with more flavour! The milk flavour is very strong , the sweetness comes after! The steamed milk isn’t overly sweet! Yet the price are relatively high for local hongkonger , about $3X for just a small bowl of milk. /

好耐冇食了，今次係第二次黎食lu，水平一如以往，奶味非常濃厚，口感香滑，唔會太甜，不過價錢略貴，要成三十幾蚊一碗，差唔多係一個正餐，黎到一定要每人消費一碗，唔可以兩個人share食，抵唔抵食就見仁見智啦～

遇到咁嘅服務態度我第一反應唔係氣憤，而係震驚，香港地今時今日竟然仲會有咁嘅服務態度！？我盡量唔加感情去複述成個過程，大家自己感受下。天氣咁熱諗住食完碗糖水涼下lar，入到去都覺得正正常常，坐低之後準備落order。事件1：「唔該寫野」，一個木面阿姐行埋黎，「唔該我想落單」，阿姐重語氣：「講lar！」事件2：「唔該可唔可以俾個叉我」，冇人理，行去水吧「唔該可唔可以俾個叉我」，冇人理，繼續好聲氣問個阿伯，阿伯重語氣：「用手食lar！」事件3：買單時問收銀「點解你地伙記惡過客」，收銀重語氣：「邊個？邊個？唔會！」我個人覺得一間合格嘅食肆做好野食之前首先係要做好服務，咁大個仔第一次受到咁低劣嘅服務態度，真係覺得好震驚。衷心希望香港可以少d咁嘅低質食肆，影響香港形象。