Video
Read full review
2024-12-15
1497 views
好一陣子無約呢位老友食飯喇，趁今晚老婆要上堂，屋企無飯開，就約佢出嚟食番餐。近近哋，就晌黃大仙一出地鐵行幾分鐘就到嘅「上海婆婆」，佢哋晌唔同地區都有好幾家分店，而呢家店就第一次到訪。個場都好大，樓底亦算高，所以，空間感唔錯；一淺木色系裝修，都幾雅致，加上擺咗唔少植物點綴，感覺舒服好坐。而侍應好有禮，招呼好唔錯，枱上嘅餐具都好精緻。照慣例都會影影餐牌俾大家參考，不過，本餐牌真喺好大本，成吋厚，着實有啲難影，所以，就照影咗個季節性餐牌俾大家參考，題外話，茗茶會收番$6位，另收加一服務費。魚籽煙燻蛋 $20呢款煙燻蛋喺小弟推介俾朋友試試，因為一來外間唔多地方有，二來確有特色。賣相已經好有亮點，色差嘅對比令賣相更吸引。凝香嘅蛋黃入口綿綿滑滑，蛋香濃郁，又有淡淡煙燻味；加入脆卜卜嘅黑魚籽，增加層次感。上海小籠包 $45嚟食上海嘢，點一客小龍包就大致了得解到店與店之間嘅水準差別。店員話小籠包即叫即蒸，所以，嚟到時熱氣騰騰，我哋都趁熱食先，雖然摺紋就唔算好靚好平均，但外皮搓得夠晒薄，咬開就見，肉饀鬆化唔在講，裡面仲有好多湯汁，食落又唔覺太多肥豬肉，都算得上有水準，沾上少少醋更好味。京蔥牛肉包 $48
個場都好大，樓底亦算高，所以，空間感唔錯；一淺木色系裝修，都幾雅致，加上擺咗唔少植物點綴，感覺舒服好坐。而侍應好有禮，招呼好唔錯，枱上嘅餐具都好精緻。
照慣例都會影影餐牌俾大家參考，不過，本餐牌真喺好大本，成吋厚，着實有啲難影，所以，就照影咗個季節性餐牌俾大家參考，題外話，茗茶會收番$6位，另收加一服務費。
魚籽煙燻蛋 $20呢款煙燻蛋喺小弟推介俾朋友試試，因為一來外間唔多地方有，二來確有特色。賣相已經好有亮點，色差嘅對比令賣相更吸引。凝香嘅蛋黃入口綿綿滑滑，蛋香濃郁，又有淡淡煙燻味；加入脆卜卜嘅黑魚籽，增加層次感。
魚籽煙燻蛋
$20
70 views
0 likes
0 comments
嚟食上海嘢，點一客小龍包就大致了得解到店與店之間嘅水準差別。店員話小籠包即叫即蒸，所以，嚟到時熱氣騰騰，我哋都趁熱食先，雖然摺紋就唔算好靚好平均，但外皮搓得夠晒薄，咬開就見，肉饀鬆化唔在講，裡面仲有好多湯汁，食落又唔覺太多肥豬肉，都算得上有水準，沾上少少醋更好味。
上海小籠包
$45
34 views
0 likes
0 comments
京蔥牛肉包 $48細細個嘅牛肉煎包，包底包面都煎得金黃，咬落好脆口，而包身軟熟唔黏牙，好有一種外脆內軟嘅感覺，而裡面填滿京蔥同牛肉，牛肉餡非常之嫩滑，更充滿陣陣蔥香，正呀！
京蔥牛肉包
$48
53 views
0 likes
0 comments
松子素菜配叉子 $88上海菜有一道叫做榨菜肉末，並配上叉子燒餅，我都幾鍾意食，而喺度發現另一道類似嘅菜式叫松子素菜叉子，又要見識見識。個松子素菜其實都喺簡簡單單有啲粉絲、甘筍粒、西芹粒、木耳絲、松子仁……等等，放入燒餅一齊食，燒餅香脆富芝麻香，松子素菜就口感豐富，夾埋一齊就滋味豐厚。
砂鍋花膠雲吞雞 $118一心都諗住叫個砂鍋雲吞雞，因為有湯飲又有得食，但只喺見加多十蚊就升級埋有花膠，當然喺叫呢個啦，性價比更高。都唔好講笑，撈一撈3粒雲吞，好多花膠，湯裡面仲有唔少雞件，真喺絕對無將貨就價。雖然喺小鍋，都足夠3至4人分。先講個湯，加咗啲金華火腿，鮮甜得嚟有陣陣鹹香味，雞件好嫩滑，花膠軟腍有咬口，啲雲吞就包得好足料，果然抵食。
砂鍋花膠雲吞雞
$118
75 views
0 likes
0 comments
綠茶芋泥餅 $28上海甜品向來都有特色，好似豆沙鍋餅、高力豆沙，就係經典不過。今晚兩樣無嗌，因為見到一款芋泥餅，之前都未食過，所以特別想試試。外皮好香口，最正喺圍邊嘅黐滿芝麻，綠茶味就反而淡然啲，但夾心嘅芋泥就好軟綿且芋香十足。
綠茶芋泥餅
$28
11 views
0 likes
0 comments
雖然咁耐無到訪過上海婆婆，但從今晚所食到嘅，都確喺保持到水準，尤其個砂鍋花膠雲吞雞，就看覺得喺是晚恆性價比最高嘅菜式，加上招呼好，環境唔錯，值有再訪。今晚真好，一來同老友傾咗好多偈，二來又食到好嘢，佢仲好好人送咗盒小禮物俾我，真喺互惠共嬴。
Post
