Video
Read full review
2018-09-09
23 views
好友非常客氣，不但買了月餅給我，而且還說要親自送到我屋企樓下，實在令人受寵若驚。好友家住筲箕灣，本來打算上去佢屋企攞，但友人知我小腿早排受咗傷，為免我四處走動，提議不如近近哋去東大街食碗粉麵，順便坐低傾下偈。友人係地道潮州妹，推介我試下呢間新開嘅「潮丸」。餐廳佈置簡約清新，以白色和啡木色為主調，裝潢非常富文青感，帶台日風，唔講仲以為係間 Café，但賣的竟然是傳統潮州粉麵。餐牌很簡單，只得一頁，不過選擇都幾豐富。除了招牌主打湯麵外，還有皇牌飯類、潮州湯飯、特色撈麵、小食及飲品等。而點菜就好似日式拉麵店咁，用剔紙仔形式，食客可以在餐牌上自選菜式，粉麵底同配料。聽朋友講，湯麵除咗炸蒜同芹菜係一定會有嘅之外，其餘芽菜、芫茜、蔥花同冬菜，客人係可以自行選擇要定唔要嘅。我揀咗特級牛丸王米線 ($55)，配蔥花同芽菜，另外再追加咗特級墨魚丸王 ($15)；而友人就選了一款特色撈麵。店裡的招牌牛丸，標榜全人手棍打，而且更用上黃牛後腿肉，唔怪得食落咁彈牙多汁。墨魚丸亦很有水準，不但食到墨魚粒的口感，而且彈牙無腥味，真材實料。湯底用豬骨同雞隻熬成，食得出無加味精。至於友人選嘅自家豬孖寶撈麵 ($65)，
好友非常客氣，不但買了月餅給我，而且還說要親自送到我屋企樓下，實在令人受寵若驚。好友家住筲箕灣，本來打算上去佢屋企攞，但友人知我小腿早排受咗傷，為免我四處走動，提議不如近近哋去東大街食碗粉麵，順便坐低傾下偈。友人係地道潮州妹，推介我試下呢間新開嘅「潮丸」。
餐廳佈置簡約清新，以白色和啡木色為主調，裝潢非常富文青感，帶台日風，唔講仲以為係間 Café，但賣的竟然是傳統潮州粉麵。
餐牌很簡單，只得一頁，不過選擇都幾豐富。除了招牌主打湯麵外，還有皇牌飯類、潮州湯飯、特色撈麵、小食及飲品等。而點菜就好似日式拉麵店咁，用剔紙仔形式，食客可以在餐牌上自選菜式，粉麵底同配料。聽朋友講，湯麵除咗炸蒜同芹菜係一定會有嘅之外，其餘芽菜、芫茜、蔥花同冬菜，客人係可以自行選擇要定唔要嘅。
我揀咗特級牛丸王米線 ($55)，配蔥花同芽菜，另外再追加咗特級墨魚丸王 ($15)；而友人就選了一款特色撈麵。店裡的招牌牛丸，標榜全人手棍打，而且更用上黃牛後腿肉，唔怪得食落咁彈牙多汁。墨魚丸亦很有水準，不但食到墨魚粒的口感，而且彈牙無腥味，真材實料。湯底用豬骨同雞隻熬成，食得出無加味精。
至於友人選嘅自家豬孖寶撈麵 ($65)，食味亦不俗，幼麵配上三片扎肉，另外仲有一碗用湯浸住嘅豬肉丸。扎肉厚切成片，入面加咗豬耳同黑胡椒，食落爽滑彈牙，有咬口之餘仲多咗份辛香。手打豬肉丸亦很有質素，外形雖然唔算好大粒，但看起來脹卜卜，入口新鮮，鬆軟不死實，口感彈牙。
如果想口味豐富啲，可以試試店裡的調味料，淨係辣醬都已經有三種，包括沙爹醬、紅燈籠椒同黃燈籠椒，另外亦有自家製辣椒油，啱曬愛吃辣的朋友。
見店裡有唔少小食，一場來到，當然要試下。揀咗雜丸拼盤 ($68)、生炸雲吞 ($50) 同招牌滷水拼盤 ($75)。雜丸拼盤有炸牛丸、炸魚蛋、炸墨魚丸同炸豬肉丸，每樣兩粒，大大碟，一次過試勻咁多款，非常豐富。雲吞炸至色澤金黃，入口外皮夠薄，非常香口，外脆內多汁，蘸點酸甜醬吃，開胃惹味。滷水拼盤有豬手、豬大腸、豬腩肉同蘿蔔，豬手滷得香軟入味，外皮入口即溶，骨膠原豐富。
熱柚子蜜同話梅柚子蘇打特飲 (+$8)
凡惠顧粉麵或飯類，餐廳會免費配一杯熱飲，如果點凍飲就要 +$3，特飲就 +$8。食飽飽可以繼續吹下水，飲下野，店員亦無催促我地埋單。
Post
