火鍋撚 (染布房街) (Closed)

經常打邊爐既我，幾乎每間都試過，朋友推介「火鍋撚」，啱哂我呢個火鍋達人，好彩有訂枱，因為好full。打邊爐d配醬一樣咁重要，呢到有好多選擇，啱哂我。叫咗個「媽媽滋補老火湯鍋」，叫咗個「媽媽滋補老火湯鍋」，打邊爐又想養顏，可以考慮呢個湯底。材料包括咗：淮山，杞子，圓肉，紅棗，蜜棗，陳皮，海底椰煲螺頭鷄。湯底好有煲出黎飲既老火湯feel，好濃郁好甜，果然好滋潤，雞肉好嫩滑，煮後軟身入味，我地飲咗幾碗同食埋d鷄肉幾轉，先捨得開始打邊爐。叫咗大嘅本地手切肥牛，肥牛一片一片整齊放係架上，有d整到玫瑰花咁，又有乾冰效果，賣相好得。肥牛厚身，有口感，牛味算濃。另外呢度竟然有鮮鷄件，勁！！ 因其他地方通常係冰鮮雞。冬瓜檸檬沙冰，叫咗一楂，冬瓜拼檸檬原來咁夾，無諗過幾好飲。