Video
Read full review
2008-05-11
24 views
比較「燥底」0既關係, 一向極少食 tempura, 加上好多地方都整得麻麻, 去日本餐廳通常只會食刺身壽司... 今日忽然口痕, 加上知道呢度同壽司廣同一老闆, 質素應該有保證, 0黎試試佢0既 lunch. 第一次0黎乜都唔識又懶得很, 只叫了個 assorted tempura (8 款) set lunch ($120) 就算.Salad 新鮮爽脆, dressing 好開胃; 前菜係腐皮及冬瓜絲 (?), 甜甜腍腍的, ok 啦.蒸蛋好滑, 味道清清甜甜的; 配料就以銀杏最正, 軟軟的又甘甘0地, 唔錯.麵豉湯夠味又唔會太鹹或太杰, ok 的.坐 bar 檯的關係, 8 款 10 件的 tempura 由師傅逐件夾上, 感覺良好 =P- 芝士蝦肉餃子 (?): 幾特別, 餡料彈牙美味, 半溶的芝士味道清新, 唔會好漏, 好食.- 茄子: 咁多樣呢件炸漿最薄, 茄子肉腍腍的又 juicy, 好食!- 蝦: 有兩隻, 爽口又鮮味, 唔錯唔錯.- 帶子: 帶子極鮮味, 同捲住炸0個塊葉幾夾, 我覺得 10 件之中呢個最正! - 唔知乜0野魚: 魚尾部分, 肉比較淡口,
Salad 新鮮爽脆, dressing 好開胃; 前菜係腐皮及冬瓜絲 (?), 甜甜腍腍的, ok 啦.
蒸蛋好滑, 味道清清甜甜的; 配料就以銀杏最正, 軟軟的又甘甘0地, 唔錯.
麵豉湯夠味又唔會太鹹或太杰, ok 的.
坐 bar 檯的關係, 8 款 10 件的 tempura 由師傅逐件夾上, 感覺良好 =P
- 芝士蝦肉餃子 (?): 幾特別, 餡料彈牙美味, 半溶的芝士味道清新, 唔會好漏, 好食.
- 茄子: 咁多樣呢件炸漿最薄, 茄子肉腍腍的又 juicy, 好食!
- 蝦: 有兩隻, 爽口又鮮味, 唔錯唔錯.
- 帶子: 帶子極鮮味, 同捲住炸0個塊葉幾夾, 我覺得 10 件之中呢個最正!
- 唔知乜0野魚: 魚尾部分, 肉比較淡口, 不過 juicy 又幾滑, 唔錯.
- 南瓜: 粉粉的又香甜, 幾好食.
- 青椒仔: 一向討厭青椒, 見到不禁「淆底」起來, 不過既然一場0黎到, 無理由唔食咁唔俾面... 食落 juicy, 輕微甘甘0地, 並無澀味, 仲幾甜! 以後唔好咁「大鄉里」先得 =P
- 蝦 + 菜餅 (兩件): 粉漿幾多0下, 不過餡料絕對無問題, 蝦肉彈牙, d 菜爽口帶甜, 好食.
食到最後油漬都幾多, 不過炸漿夠薄夠脆口, 唔錯唔錯.
熱咖啡一般滑, 不過幾香濃, 唔錯; 仲有兩件西瓜, 哈哈.
地方唔大, 好快就爆了場, 環境乾淨企理, 不過可惜我坐的門口位經常聞到有人煲煙 (女廁傳出來的???); 招呼亦好, 日本師傅好 nice, 店員們亦有禮貌又有求必應.
埋單連加一 $132, 各方面都令人好滿意, 勁抵! 一定會再0黎, 下次要試試自選 tempura -- 「燥底」都係咁話啦! =P
Post
