Video
Read full review
2021-07-29
1429 views
早排與朋友到蘇豪食飯時，無意間留意到呢一間咖啡店「Barista by Givrés」，之後再上網睇睇佢哋嘅風評，的確唔錯，尤其佢哋嘅開放式牛油果多士，賣相非常吸晴。趁今日公司飯唔喺好啱食，一支公過到嚟嘆番個午餐。 蘇豪呢區始終有少少隔涉，所以，就算午飯時間過到嚟，都唔會太多人，比起晌德輔道、皇后大道一帶，呢頭食嘢就悠閒、輕鬆得多。室外嘅壁畫成為打卡熱點，而室內就一室以白色為主調，襯以波燈，裝修簡潔明亮，不同嘅角落又擺放少少植物，讓人有種小清新嘅感覺。剛好，對住些利街挨窗嘅吧枱位仲有空櫈，揀坐晌度喺個人認為最心水吓位置，一來外面陽光燦爛，坐近窗可以舒舒服服享受日光浴，二來對住半山自動扶手電梯，望住上上落落嘅身影，自覺更悠閒，更要好好享受此時此刻。 一紙餐牌就顯示晒餐廳所賣嘅食物，輕食啲嘅如多士、牛角包或其他烘焙包點，大份量啲嘅有牛油果、水煮蛋……等食材配酸種多士，以及各款意大利麵。 咖啡亦喺店家嘅賣點，有多種特色咖啡供選擇，當然，唔少得各種口味嘅熱茶，甚至有埋沙冰、雞尾酒添。 此外，餐廳仲兼營零售咖啡豆，晌鋪內飲過覺得啱飲，又有興趣返屋企自己沖番杯，就不妨買番包豆返去試吓。 Every
蘇豪呢區始終有少少隔涉，所以，就算午飯時間過到嚟，都唔會太多人，比起晌德輔道、皇后大道一帶，呢頭食嘢就悠閒、輕鬆得多。
室外嘅壁畫成為打卡熱點，而室內就一室以白色為主調，襯以波燈，裝修簡潔明亮，不同嘅角落又擺放少少植物，讓人有種小清新嘅感覺。
剛好，對住些利街挨窗嘅吧枱位仲有空櫈，揀坐晌度喺個人認為最心水吓位置，一來外面陽光燦爛，坐近窗可以舒舒服服享受日光浴，二來對住半山自動扶手電梯，望住上上落落嘅身影，自覺更悠閒，更要好好享受此時此刻。
一紙餐牌就顯示晒餐廳所賣嘅食物，輕食啲嘅如多士、牛角包或其他烘焙包點，大份量啲嘅有牛油果、水煮蛋……等食材配酸種多士，以及各款意大利麵。
咖啡亦喺店家嘅賣點，有多種特色咖啡供選擇，當然，唔少得各種口味嘅熱茶，甚至有埋沙冰、雞尾酒添。
此外，餐廳仲兼營零售咖啡豆，晌鋪內飲過覺得啱飲，又有興趣返屋企自己沖番杯，就不妨買番包豆返去試吓。 
Everything Eggs Benny $138餐牌就寫到明有咩食材，包括意大利風乾火腿、菠菜、水煮蛋、荷蘭汁、牛油果、開心果仁碎及杜卡香料，配以酸種多士。知喺咁，但成品絕對喺驚喜連連，賣相精緻，色彩斑斕，未食單喺睇都賞心樂事呀，尤其牛油果捲成玫瑰花形，心機之作，而一抹紅菜頭醬亦喺有畫龍點睛之效。
Everything Eggs Benny
$138
53 views
0 likes
0 comments
Lavender Latte +$30點選任何早午餐菜式，+$25可配啡茶，焦糖、榛子、玫瑰鮮奶咖啡都試過，但呢一款薰衣草咖啡就未試過，需額外+$5。咖啡嘅拉花好靚仔，表面平滑，線紋細緻，個拉花亦好對稱，邊邊就放咗唔少薰衣草乾花作點綴。聞落，薰衣草香氣嚟自啲乾花，入口反而覺得薰衣草嘅味道較含蓄，但咖啡味就好醇香，口感均勻，沖泡嘅手勢非常好。
Lavender Latte
$45
34 views
1 likes
0 comments
另一亮點就喺佢哋兼營意大利雪糕，除口味多之外，就喺玩法亦多，基本嘅手工玫瑰花形雪糕自然成為打卡之作，另外，仲可配雞蛋仔、咖啡成為甜點。故此，追加個雪糕當餐後甜點，亦消吓暑。 
Handcrafted Gelato Rose $65意大利雪糕共提供10款口味，思前想後，決定揀最心水吓兩款口味：芒果及開心果，成品送上，真喺好靚，一瓣一瓣咁砌上去，好有立體感。雪糕嘅質感好柔滑，富奶香，而芒果味好清甜，開心果味則有好濃郁嘅堅果香味，個筒又夠脆喎，真喺夏日嘅消暑佳品。
Handcrafted Gelato Rose
$65
10 views
0 likes
0 comments
天空放晴，予人感覺都舒服好多，加上一頓豐富嘅午餐，以及美味、冰涼嘅甜品作結，喺生活嘅一種小確幸！
Post
