舍 (Closed)

每年秋冬最令人期待既環節就係……食大閘蟹!!每年除左會約一大班朋友返屋企食一蘿蘿既大閘蟹之外,仲一定要出去食一餐大閘蟹宴先至夠滿足!今次朋友介紹我去食呢間係IFC既「舍」，上網睇先知呢間係一間中式fusion菜既餐廳，環境非常唔錯!好少中餐廳會咁有feel，呢到仲要有海景位，男女朋友sweet dinner 都唔一定要食西餐啦!我地兩個人, 人叫左一隻大閘蟹再要左3個蟹粉既菜~份量啱啱好，因為有時食大閘蟹set份量多就會覺得膩，呢到唔係行set可以自己按需要叫係幾好的~首先講下「蟹粉蝦球拌麵」，上菜既時候都幾震撼，因為佢個碗蟹粉係成碗湯咁大，個汁濃度剛剛好，我自己幾欣賞佢用粗麵，咁就可以掛多D汁，撈落去既時候見到一絲絲蟹肉同好濃既蟹粉沾滿哂D麵，超級rich，超奢侈!然後再黎一個「蟹粉扒翡翠苗」，平時多數係食豆苗多，呢到用翡翠苗個效果都唔錯，翡翠苗本身帶有D青青地既味，同蟹粉夾埋一齊食有種解膩既效果，幾好!私心推介係呢個「蟹粉香煎帶子」，佢好似食鵝肝咁比一塊好脆既小toast墊住帶子，上面再淋左D蟹粉，逐樣講一講先，toast非常脆但唔會脆到硬，食落係鬆化既；帶子煎得啱啱好，keep到