Video
Read full review
2009-10-14
18 views
13-10-2009得知呢度供應的炸芝士用上我好鍾意食 camembert cheese, 朋友 J 又推介呢度的炸蠔 "super good for its price", 呢日到大坑食 dinner「順路」嚟試試. 2 人叫了炸芝士 ($20) 及炸蠔 ($22) share 食, 另一人一杯沙冰 ($7 each) 各自飲.先嚟我的水蜜桃沙冰: 勁冰凍, 打得幼滑, peach 味道天然, 糖水份量剛好, 正! 底部有粒粒疑似椰果 / 蒟蒻, 口感 QQ 的, 都幾討好.朋友飲荔枝沙冰: 睇住哥哥將原粒荔枝放入 mixer, 再落冰及 syrup, 試了一啖亦覺得幼滑清香, 幾好飲.飲品都做得咁認真, 印象已不錯, 期待已久的炸物就果然無失望! :炸蠔一客 3 隻, 炸粉薄薄一層, 酥脆又唔算好油; 蠔唔算肥美亦唔算滑溜, 但咬落 juicy 得很, 味道亦頗鮮, 配上酸酸甜甜 tartar sauce, 好食 廿幾蚊嚟講又真係 super good, 多謝朋友 J 的好介紹! On the side 的勁熱薯條粗如 fish fingers, 咬落粉漿脆口, 薯
得知呢度供應的炸芝士用上我好鍾意食 camembert cheese, 朋友 J 又推介呢度的炸蠔 "super good for its price", 呢日到大坑食 dinner「順路」嚟試試. 2 人叫了炸芝士 ($20) 及炸蠔 ($22) share 食, 另一人一杯沙冰 ($7 each) 各自飲.
先嚟我的水蜜桃沙冰: 勁冰凍, 打得幼滑, peach 味道天然, 糖水份量剛好, 正! 底部有粒粒疑似椰果 / 蒟蒻, 口感 QQ 的, 都幾討好.
朋友飲荔枝沙冰: 睇住哥哥將原粒荔枝放入 mixer, 再落冰及 syrup, 試了一啖亦覺得幼滑清香, 幾好飲.
飲品都做得咁認真, 印象已不錯, 期待已久的炸物就果然無失望! :
炸蠔一客 3 隻, 炸粉薄薄一層, 酥脆又唔算好油; 蠔唔算肥美亦唔算滑溜, 但咬落 juicy 得很, 味道亦頗鮮, 配上酸酸甜甜 tartar sauce, 好食 廿幾蚊嚟講又真係 super good, 多謝朋友 J 的好介紹! On the side 的勁熱薯條粗如 fish fingers, 咬落粉漿脆口, 薯肉就較實, 薯味亦一般.
本身對 cheddar 興趣不大, 朋友的炸芝士當中只試了一件 camembert: 半流質, 味道好「奶」好 creamy 又好似帶少少甜 (!?), 蘸點「威士忌汁」, 好食
鋪面同一般「掃街」店無異, 但觀其食物質素, 兩位店員 (老闆?) 的手勢及友善有禮的待客態度, 感覺係好用心又好 pro 的一間店, 值得試試. 下次食炸皇帝蕉!
Post
