Video
Read full review
2009-07-22
124 views
21-7-2009E 的 farewell 飯竟然由主角請, 仲訂定檯帶了一行 9 人嚟食 "authentic Philippine food" 原來佢本身係菲律賓華僑, 講得一口流利賓話之餘, 亦幫襯過呢度幾次, 大家就放心了. 先嚟一杯 iced kalamansi juice: 原來只係「沖粉式」柑桔水, 味道唔算人工, 但實在太稀了.Appetizer combo 有魷魚圈, 上海春卷 (!!), 炸雞, 串燒雞及薯仔沙律: 魷魚圈炸粉薄薄一層, 炸得脆口, 魷魚肉亦唔韌, 配上酸汁, 唔錯; 炸蝦係「疑似海老天婦羅」, 不過炸漿好厚又好濕; 春卷係豬肉餡, 帶幾強烈香草味; 串燒雞醃得夠, 肉嫩滑, 蘸點沙爹汁, 幾好食; 薯仔沙律就唔多覺有薯仔, 好重 mayonnaise, 不過帶點洋蔥及西芹的清香, 都 ok 的.Sinigang (Beef tamarind soup): 又醋又酸菜又羅望子果, 結果當然酸到阿媽都唔認得... 勉強飲了一碗, 唔識欣賞了 Paella: 菲律賓式西班牙海鮮飯? 有蝦, 青口, 魷魚, 蛋, 青豆粟米紅蘿蔔粒之類的(雪)
E 的 farewell 飯竟然由主角請, 仲訂定檯帶了一行 9 人嚟食 "authentic Philippine food" 原來佢本身係菲律賓華僑, 講得一口流利賓話之餘, 亦幫襯過呢度幾次, 大家就放心了.
先嚟一杯 iced kalamansi juice: 原來只係「沖粉式」柑桔水, 味道唔算人工, 但實在太稀了.
Appetizer combo 有魷魚圈, 上海春卷 (!!), 炸雞, 串燒雞及薯仔沙律: 魷魚圈炸粉薄薄一層, 炸得脆口, 魷魚肉亦唔韌, 配上酸汁, 唔錯; 炸蝦係「疑似海老天婦羅」, 不過炸漿好厚又好濕; 春卷係豬肉餡, 帶幾強烈香草味; 串燒雞醃得夠, 肉嫩滑, 蘸點沙爹汁, 幾好食; 薯仔沙律就唔多覺有薯仔, 好重 mayonnaise, 不過帶點洋蔥及西芹的清香, 都 ok 的.
Sinigang (Beef tamarind soup): 又醋又酸菜又羅望子果, 結果當然酸到阿媽都唔認得... 勉強飲了一碗, 唔識欣賞了
Paella: 菲律賓式西班牙海鮮飯? 有蝦, 青口, 魷魚, 蛋, 青豆粟米紅蘿蔔粒之類的(雪)雜菜, 但就無我最唔鍾意的 paprika, 真好 蝦 size 係大, 但新鮮度一般; 青口及魷魚就無乜味道; 最好食係 d 飯, 乾身又好香, 唔錯唔錯.
在座有人海鮮敏感唔食得 paella, 所以亦叫了一盤 garlic rice: 頗黏, 頗濕, 亦唔多 "garlic", 不過味道幾似平日食海南雞 d「油飯」, 係幾好食的.
炸豬腩肉: 無乜醃過就咁炸, 皮極脆, 瘦肉有點嚡, 但食落鬆化, 肥就入口即溶, 好食. 不過就咁食有少少寡, 蘸點酸汁較好.
椰汁芋頭葉: 一 pat 墨綠色嘢的, 賣相認真麻麻... 芋頭葉切成絲, 有點似雪菜, d 汁除咗椰奶味之外仲有少少辣及咖喱 feel, 味道幾得意, 送飯亦不錯.
Dinuguan 豬紅汁豬雜: 一 pat 黑漆漆, 賣相比芋頭葉更嚇人... 黑色的係豬血汁,「豬雜」就其實食咗都唔知係乜, 因為已溶溶爛爛的混了入豬血汁內. 味道其實唔算好濃鮮, 個人而言對呢味印象一般.
Kare-kare 牛雜: 有牛肚, 牛尾, 牛腩及多款蔬菜, 個汁 creamy 杰身, 甜甜哋, 帶點花生味; 亦可蘸點 on the side 的蝦醬食, 送飯唔錯.
茄子煎蛋: 細個時屋企傭人整過, 印象中茄子係壓扁了, 蛋又煎得乾身香口的, 但呢度的脹卜卜, 濕濕的又軟撻撻, 唔多啱食.
蝦醬豬腩肉: 主要食蝦醬陣味, 惹味, 好鹹, 又一送飯菜.
食了咁多飯已好飽, 甜品 9 人 只叫了 4 杯 Halo-halo: 據聞呢度的唔正宗, 因為只係雜果 + 椰果 + 椰奶刨冰, 甜豆反而無乜落, 面頭仲加了舊貌似鹵水豆腐 (!) 的 leche flan (i.e. 菲律賓式 "creme caramel")... 將底下的拌勻, 其實同椰汁沙冰無異; 本身好鍾意食蛋造的甜品, 面頭的 leche flan 反而啱晒我, 夠「蛋」夠甜, 好食
呢度係酒吧餐廳格局, 燈光昏暗, 1.8 兼最高 ISO 都唔多掂 我哋又太早嚟, 食完走人 live band 仲未到, 可惜.
埋單好似每人約 $160, 多謝 E 祝 一路順風!
Post
