Video
Read full review
2020-01-16
4229 views
時間對人類黎講，可以係話朋友，亦可以係敵人，佢可以幫你分辨黑夜，處理自己既生活節奏；同時亦可以摧毀你擁有緊既青春，人生。我地可以做既只有好好利用呢位朋友，等佢變得更加有價值。所以今晚黎到中環呢間新開既高質日本鐵板燒「Kura Teppanyaki & Bar」，好好享受下呢段時間由Bar枱師傅親自係你面前操刀，將火之藝術發揮得淋漓盡致。餐廳標榜既價錢可以話係非常親民，食物質素比我預期中更加好，絕對係近期食過既高性價比之一。📌Spicy Cheese Edamame - $58👉前菜一定要由輕身開始，由「辣味芝士枝豆」打頭陣，用鐵板煮出黎既比平時食開既水煮更加惹味。賣相睇落夠翠綠飽滿，辣味唔算好重，輕輕有少少帶出果種香口感。📌Chopped Tuna & Spring Onion w/ Caviar - $128👉不得不讚呢個「碎蔥吞拿魚配魚子醬」幾有睇頭，其實佢由底部一塊法包多士承托住。中間由碎蔥吞拿魚他他配沙律醬做主角，正所謂鮮花都需要綠葉扶持，所以面頭上會見到魚子醬加埋金箔加強視覺效果。Staff建議一啖過，成個層次感出哂黎，非常奢華。📌Mizuna Vegetable Salad
同時亦可以摧毀你擁有緊既青春，人生。我地可以做既只有好好利用呢位朋友，等佢變得更加有價值。
所以今晚黎到中環呢間新開既高質日本鐵板燒「Kura Teppanyaki & Bar」，好好享受下呢段時間由Bar枱
師傅親自係你面前操刀，將火之藝術發揮得淋漓盡致。餐廳標榜既價錢可以話係非常親民，
食物質素比我預期中更加好，絕對係近期食過既高性價比之一。
📌Spicy Cheese Edamame - $58
👉前菜一定要由輕身開始，由「辣味芝士枝豆」打頭陣，用鐵板煮出黎既比平時食開既水煮更加惹味。
賣相睇落夠翠綠飽滿，辣味唔算好重，輕輕有少少帶出果種香口感。
📌Chopped Tuna & Spring Onion w/ Caviar - $128
👉不得不讚呢個「碎蔥吞拿魚配魚子醬」幾有睇頭，其實佢由底部一塊法包多士承托住。
中間由碎蔥吞拿魚他他配沙律醬做主角，正所謂鮮花都需要綠葉扶持，所以面頭上會見到魚子醬
加埋金箔加強視覺效果。Staff建議一啖過，成個層次感出哂黎，非常奢華。
📌Mizuna Vegetable Salad w/ Crispy Potato - $88
👉第一次試呢個「脆薯水菜沙律」，原來水菜睇落少少似火箭菜，其實入口幾爽脆，但重點係呢個沙律有個特別之處。
加左炸香左既薯仔絲，面頭灑上木魚碎、紫菜絲配合紫蘇油醋，成個口感變得相當豐富。
📌Chef Recommended Sashimi -
👉度身訂造既季節性刺身拼盤「料理長特選刺身」，成個擺盤好有心思，完全滿足埋相機既胃口呀。
刺身分別取決當造既魚類，例如鰆魚配上柚子胡椒，魚脂味重，肉質入口結實有咬口，唔錯；
深海池魚配上梅酒黑醋，鮮甜肥美，清爽夠彈性，Staff會建議連同無花果一齊食，口感最fit；
慢煮八爪魚加左松露枝豆蓉，賣相相當靚仔，肉質經慢煮過後變得軟腍；
旁邊仲有一細隻澤蟹炸得香黃香脆，仲可以過下口癮！
📌Boiled Clam w/ Shiso & Pollock Roe - $98
👉黎呢到必定要試既「紫蘇明太子煮酒蜆」，Chef先將湯底經清酒煮過，帶出濃厚既酒香。再配合明太子、
紫蘇將鮮味迫哂出黎，建議連同蜆肉連湯一齊食，會更加惹味。最後可以擠少少檸檬汁飲埋個湯，咁就最滿足啦！
📌Hokkaido Scallop Teppanyaki - $158
👉好野唔好比佢停！再黎就係輪到帆立貝，呢兩大隻「北海道帆立貝鐵板燒配紅椒汁」卡士十足。
Chef放係鐵板將兩邊煎香，表面煎得帶少少焦香，裡面香甜多汁，肉質食落夠彈牙，
再連埋底部既紅椒汁，將香味更加昇華唔少。
📌Confit de Canard Teppanyaki - $198
👉正所謂無肉不歡，不得不試既「鐵板油封法國鴨腿」，Chef將鴨腿以慢煮手法再經煎香。外皮做得非常脆口，
但裡面仲保持到粉嫩多汁，肉質食落完全唔乾，食得出火侯控制相當恰當。可以配搭底部既蔬菜一齊食，成個主菜會減少油膩感。
📌Australian Black Angus Beef - $388
👉第二道主菜「澳洲安格斯黑牛」亦係必食推介，Chef首先將安格斯黑牛煎香大概到5-6成。
再加埋日本訂製既南高梅醬，帶返少少清香味，再灑上岩鹽，將肉味帶出，最後伴埋照燒汁，味道相當惹味。
牛肉入口柔軟，咬落相當Juicy，牛脂味濃。加埋旁邊既薯蓉，絕對係完美既配搭！
📌Fried Rice w/ Sea Urchin & Crabmeat - $128
👉一客睇落好似好簡單無難度既「海膽蟹肉炒飯」，但其實裡面功夫非常多，一路睇住師傅炒，
就知道無返咁上下經驗的確炒唔到。飯粒賣相企身，飽滿脹卜卜，金光閃閃有咬口。
而最吸引當然係一大舊海膽擺係面之餘，炒既過程不斷會加埋海膽同蟹肉一齊炒，色香味三樣齊哂，
呢個價錢我諗中環真係食唔到！
Post
