Video
Read full review
2019-01-13
361 views
今日嚟到尖沙咀美麗華商場搵食，比一間裝修非常之有心思嘅台灣餐廳吸引住，就拉埋屋企人一齊入去試啦！呢度嘅裝修非常用心，首先佢係開放式嘅設計，用咗台灣課室做主題，充滿着小學中學嘅情懷，有粉筆黑板啦、色彩斑斕嘅書本同漫畫書、用木造嘅枱椅，令我哋憶起左唔少上學青蔥嘅歲月。餐廳係用自助模式，我哋去到收銀位置落單，當部機響起，你就可以去拎熱辣辣香噴噴嘅餐，食完之後，都要麻煩大家自己放返回收餐具處～我哋兩個人，叫咗一個主食，「蕃茄牛肉麵$50」，蕃茄味濃，牛肉都算幾軟腍，麵質都係比較軟身。之後我哋叫咗個「吞拿魚蛋餅$40」，個蛋餅其實質感比較似薄餅，唔算好重蛋味，但係入邊嘅材料就好多，有好多吞拿魚同沙律醬，口感都幾豐富。之後我哋叫咗兩個小麵包，分別叫做「瑪莉生命菇$22」同埋「小紫嘟嘟包$18」，一個係紅豆茉茶包，另外一個係芋頭麻薯包，兩個包都非常之有口感，咬落去好鬆軟～ 之後我哋叫咗杯「台灣艾爾芒果酸啤$75」，酸酸甜甜咁又開胃，幾得意喎～如果大家都有興趣懷念一下返學嘅情懷，都可以黎試吓啊，好有「那些年」嘅感覺！
呢度嘅裝修非常用心，首先佢係開放式嘅設計，用咗台灣課室做主題，充滿着小學中學嘅情懷，有粉筆黑板啦、色彩斑斕嘅書本同漫畫書、用木造嘅枱椅，令我哋憶起左唔少上學青蔥嘅歲月。
餐廳係用自助模式，我哋去到收銀位置落單，當部機響起，你就可以去拎熱辣辣香噴噴嘅餐，食完之後，都要麻煩大家自己放返回收餐具處～
我哋兩個人，叫咗一個主食，「蕃茄牛肉麵$50」，蕃茄味濃，牛肉都算幾軟腍，麵質都係比較軟身。
之後我哋叫咗個「吞拿魚蛋餅$40」，個蛋餅其實質感比較似薄餅，唔算好重蛋味，但係入邊嘅材料就好多，有好多吞拿魚同沙律醬，口感都幾豐富。
之後我哋叫咗兩個小麵包，分別叫做「瑪莉生命菇$22」同埋「小紫嘟嘟包$18」，一個係紅豆茉茶包，另外一個係芋頭麻薯包，兩個包都非常之有口感，咬落去好鬆軟～
之後我哋叫咗杯「台灣艾爾芒果酸啤$75」，酸酸甜甜咁又開胃，幾得意喎～
如果大家都有興趣懷念一下返學嘅情懷，都可以黎試吓啊，好有「那些年」嘅感覺！
Post
