Video
Read full review
2022-11-17
332 views
🌟餐廳：燒洒一族📍地址：大圍車公廟路69號顯徑街市地下M30號舖💰價位：～$50 - $100⏰營業時間：星期一至日 09:30 - 19:45 忙咗成個月，今個 weekend 終於可以留係屋企，一家人輕輕鬆鬆食返餐家常便飯！適逢家姐同姐夫今晚都返黎食飯，等我去街市逛一逛，加下餸先～平時間唔中都會去顯徑街市，鍾意佢裝修企理，地面又夠乾爽～經過見到呢間燒洒一族好多人排隊幫襯，等我又埋去趁下熱鬧先！有別於傳統燒味店，店家除左提供叉燒、燒豬手、燒雞、燒豬肋骨等特色燒味外，店外仲擺放左一個大雪櫃，放滿左林林總總既「酒醉系列」，岩哂今晚加餸之餘，又可以比爸爸拎黎做佐酒小食，即刻揀返幾款返去慢慢嘆！！———————————————————「酒醉系列」用糟滷、香料、花雕酒等配料加入各種食材自家釀制，酒味濃郁之餘，食材又夠鮮甜，冷藏後享用就更佳～🔹酒醉雞軟骨雞軟骨大大粒，香脆可口，做餐前小食一流。———————————————————🔹酒醉燻蹄燻蹄肥瘦適中，外皮Q彈，燻蹄肉肉質夠爽嫩。———————————————————🔹酒醉雞中翼雞中翼用酒釀制後，外表嫩
📍地址：大圍車公廟路69號顯徑街市地下M30號舖
💰價位：～$50 - $100
⏰營業時間：星期一至日 09:30 - 19:45
忙咗成個月，今個 weekend 終於可以留係屋企，一家人輕輕鬆鬆食返餐家常便飯！
適逢家姐同姐夫今晚都返黎食飯，等我去街市逛一逛，加下餸先～
平時間唔中都會去顯徑街市，鍾意佢裝修企理，地面又夠乾爽～經過見到呢間燒洒一族好多人排隊幫襯，等我又埋去趁下熱鬧先！
有別於傳統燒味店，店家除左提供叉燒、燒豬手、燒雞、燒豬肋骨等特色燒味外，店外仲擺放左一個大雪櫃，放滿左林林總總既「酒醉系列」，岩哂今晚加餸之餘，又可以比爸爸拎黎做佐酒小食，即刻揀返幾款返去慢慢嘆！！
———————————————————
「酒醉系列」用糟滷、香料、花雕酒等配料加入各種食材自家釀制，酒味濃郁之餘，食材又夠鮮甜，冷藏後享用就更佳～
🔹酒醉雞軟骨
雞軟骨大大粒，香脆可口，做餐前小食一流。
———————————————————
🔹酒醉燻蹄
燻蹄肥瘦適中，外皮Q彈，燻蹄肉肉質夠爽嫩。
———————————————————
🔹酒醉雞中翼
雞中翼用酒釀制後，外表嫩滑，肉身同雞翼骨充滿啖啖酒香，正！
———————————————————
🔹酒醉雞卷
雞卷採用雞腿肉，用簿簿既雞皮卷起，蒸熟後再以酒釀制，無骨啖啖肉超有咬口～
———————————————————
🔹酒醉花雕雞
主角出場! 雞肉渗透淡淡既花雕酒香，大大件之餘，雞肉選料亦好有誠意，厚肉又彈牙，大滿足~
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
若果自己係屋企自制酒釀食物，除咗配料繁多，仲需要用上大量時間，先可以令食材釀得入味！燒洒一族既酒醉系列仲提供酒醉蛋、蝦同豬手等選擇～去開街市買返罐就可以拎返屋企慢慢歎，非常方便，岩哂開party 或者一家人食飯加餸～
除此之外，佢地既冷盤酒醉系列採用易拉罐設計，方便食用之餘，亦易於攜帶及存放，抵讚！！
Post
