鹽澤 (Closed)

出席「酒 ・浴・維港」清酒活動後，餓了就約埋朋友去鹽澤試下新菜和他們的招牌菜西班牙深海紅蝦。除左西班牙紅蝦，我地仲試左新菜香脆洋芋平政魚，鐵板香草法國乳鴿腿，自制奶凍和cheese cake。紅蝦色澤艷麗呈紅色，手掌般大。服務員介紹西班牙深海紅蝦於人手逐隻挑選，確保品質新鮮及體形巨大。 特點是蝦膏香濃甘甜, 蝦肉爽甜鮮美, 比野生海蝦蝦味濃郁10倍。 蝦身香煎，蝦腳烘乾炒成香脆小食，佐酒真係一流！蝦膏煮稻庭烏冬時，加入了番茄仔，中和蝦膏的油膩及腥味。香脆洋芋平政魚在原來魚肉面層加上薯仔煎煮造成的效果。黏實薯片，師傅在鐵板上以大火煎香煎脆，之後加蓋焗煮一至兩次，以鎖緊水分，配清新八方汁，食落口汁即可減輕油膩又將魚的鮮味帶返出黎，口感不俗。鐵板香草法國乳鴿腿煎香，入口啖啖肉，質感嫩滑多汁。自制奶凍夠香滑唔會太甜和cheese cake好正唔會好流..！呢餐食得好飽，值得再返轉頭！