Video
Read full review
2021-11-05
1490 views
今日跟屋企人去淘大花園探下長輩，之前因為疫情都少咗見面，所以都好珍惜眼前人😍今日見一見都發福唔少，可能多咗留係屋企飲飲食食，少咗做運動啦。午餐就去附近既屋邨酒樓，估唔到又有驚喜，雖然無咩特別點心，但性價比唔錯🤑 .酒樓要行上一層先到正門，雖然係平日但都唔多上班族，茶客年紀都係大d黎嘆下一盅兩件🧓午茶精選推介都已經各有十幾款大路點心同埋炒粉麵飯，再加埋正常點心紙既都夠飽哂📜 🎋上湯鮮竹卷 $17.8呢款幾好，唔會好似其他酒樓勾到個芡汁太濃太假，有d湯暖一暖身。鮮竹卷入面既材料都仲爽實，唔會死霉霉咁。 🍞原籠馬拉糕 $23.8原本以為呢類舊式酒樓會係古法馬拉糕，不過呢款入口都有蛋香味，份量勁大可以當主食。 🧈XO醬炒蘿蔔糕 $31一睇就知係炒完焗咗好耐既貨色，雖然蘿蔔糕個底唔錯，但XO醬香味已經流失哂，唔太推薦。 🥘迷你福建炒飯 $58今餐最佳之選，見佢係迷你版就諗住試一試，點知黎到仲大碟過平時去茶記食果碟，仲要賣呢個價錢真係堅料，入面有蝦有肉，仲有自家雜菜唔係用批發三色豆，炒底有鑊氣，撈埋一齊食好惹味。 🌯紅米脆皮腸粉 $31紅當當夠哂好意頭，加埋油炸既脆皮，兩者碰撞下好好味，肉餡都算調
.
酒樓要行上一層先到正門，雖然係平日但都唔多上班族，茶客年紀都係大d黎嘆下一盅兩件🧓午茶精選推介都已經各有十幾款大路點心同埋炒粉麵飯，再加埋正常點心紙既都夠飽哂📜
🎋上湯鮮竹卷 $17.8
呢款幾好，唔會好似其他酒樓勾到個芡汁太濃太假，有d湯暖一暖身。鮮竹卷入面既材料都仲爽實，唔會死霉霉咁。
🍞原籠馬拉糕 $23.8
原本以為呢類舊式酒樓會係古法馬拉糕，不過呢款入口都有蛋香味，份量勁大可以當主食。
🧈XO醬炒蘿蔔糕 $31
一睇就知係炒完焗咗好耐既貨色，雖然蘿蔔糕個底唔錯，但XO醬香味已經流失哂，唔太推薦。
🥘迷你福建炒飯 $58
今餐最佳之選，見佢係迷你版就諗住試一試，點知黎到仲大碟過平時去茶記食果碟，仲要賣呢個價錢真係堅料，入面有蝦有肉，仲有自家雜菜唔係用批發三色豆，炒底有鑊氣，撈埋一齊食好惹味。
🌯紅米脆皮腸粉 $31
紅當當夠哂好意頭，加埋油炸既脆皮，兩者碰撞下好好味，肉餡都算調味恰當唔會過鹹。
🍮養顏紅棗糕 $24
紅棗味幾香，不過木薯粉唔係太夠，無咗煙煙韌韌既口感，但夠熱夠香既。
🧁蟹皇燒賣 $21.8
大隻實在既餡料，雖然賣相唔算好靚，蝦肉同豬肉比例唔錯，上面蟹子帶點口感。
🥟京式小籠包 $18.8
以為細個去飲茶小籠包成日都賣哂，所以大個都有執念去飲茶點都要試下小籠包係咪咁正，調味唔錯，不過冇乜肉湯幾可惜。
🥯明星流沙包 $24
包皮夠軟糯，入面奶黃餡就冇乜流心，奶香都重既。
.
🐮黑椒金錢肚 $31
金錢肚即係牛既第二個胃，加上黑椒係濃味之選，不過老人家食得唔多，我都願意ko哂佢，因為咬落有嚼勁，愈食愈滋味。
Post
