Video
Read full review
2024-10-07
2744 views
雞煲呢家嘢晌香港都興咗好耐，就算只喺雞煲，商家都各出奇謀，最後，朋友介紹位處太子嘅「亞南雞煲」，皆因雞煲嘅款式超多之餘，配料更喺重質不重量嘅，故此，約埋老友一心過嚟食靚嘢。鋪外、鋪內裝潢都比較樸實唔花巧，最緊要夠整潔，地方企理，天花更安裝咗好多部冷氣，絕對唔會食到一身汗，而牆上貼咗好多唔同嘅雞煲及其他食物嘅相片，非常吸引。再走入啲，餐廳盡頭，仲有另一個用餐區，眼見有多張散枱，但店長話夠人都可以僻為一個廂房。香港人向來都好喜歡雞煲、打邊爐，雖然話家下經濟唔多景氣，但唔喺講笑，幾乎全場爆滿，可見餐廳有質素先喺咁。究竟雞煲有幾多選擇？仲有啲咩配料、飲品？我就唔講太多喇，索性掃描晒所有點餐紙出嚟俾大家參考就一目了然。而雞煲有乾嘅，有湯嘅，辣度及麻度都有得揀。溫馨提示，店內有列明用餐時間為入座後2小時，除非出面真喺好多人等位，否則，店長話都未必好嚴格執行，反正大家嚟都喺想食得開心愉快。自家製涼茶系列 $28平時打邊爐就好鍾意嗌汽水飲，不過，喺牆上見到佢有啲自家製涼茶，兼且款式特別，當然要試試嚟降下火。有老友就揀海底椰雪梨茶，而小弟嘅選擇喺羅漢果菊花靈芝茶，少甜之餘，最正喺標明成份同功效，又夠大樽
鋪外、鋪內裝潢都比較樸實唔花巧，最緊要夠整潔，地方企理，天花更安裝咗好多部冷氣，絕對唔會食到一身汗，而牆上貼咗好多唔同嘅雞煲及其他食物嘅相片，非常吸引。
再走入啲，餐廳盡頭，仲有另一個用餐區，眼見有多張散枱，但店長話夠人都可以僻為一個廂房。香港人向來都好喜歡雞煲、打邊爐，雖然話家下經濟唔多景氣，但唔喺講笑，幾乎全場爆滿，可見餐廳有質素先喺咁。
究竟雞煲有幾多選擇？仲有啲咩配料、飲品？我就唔講太多喇，索性掃描晒所有點餐紙出嚟俾大家參考就一目了然。而雞煲有乾嘅，有湯嘅，辣度及麻度都有得揀。
溫馨提示，店內有列明用餐時間為入座後2小時，除非出面真喺好多人等位，否則，店長話都未必好嚴格執行，反正大家嚟都喺想食得開心愉快。
自家製涼茶系列 $28平時打邊爐就好鍾意嗌汽水飲，不過，喺牆上見到佢有啲自家製涼茶，兼且款式特別，當然要試試嚟降下火。有老友就揀海底椰雪梨茶，而小弟嘅選擇喺羅漢果菊花靈芝茶，少甜之餘，最正喺標明成份同功效，又夠大樽，邊食邊飲去除罪惡感。
自家製涼茶系列
$28
42 views
0 likes
0 comments
等齊人嘅時候，最好喺叫啲餐前小食過吓口癒，小食選擇多，又有特色。好似呢一款墨魚鬚，鮮甜柔韌，極具口感。雖然叫麻辣，嗌之前都問過店員會唔會好辣，入口確實唔太辣，帶濃濃麻騷感，如果真喺好搶心辣嘅問題，可以揀冰鎮墨魚鬚喔。
麻辣墨魚鬚
$65
55 views
0 likes
0 comments
兩隻起，如果純粹想試試，可以麻煩師傅一開二，多幾個人「些牙」。而呢個小食重點喺食質素，鮮鮑魚好大隻，甚有鮑鮮味，口感煙韌有咬口，酥炸後再灑上椒鹽調味，鹹香微辣，好有風味。
皇牌脆炸牛坑腩 $88牛坑腩就肯定唔會喺第一次食啦，不過，以脆炸形式去做就肯定喺第一次喇。牛腩南送到上枱，店長特別強調佢哋啲坑腩喺新鮮貨，所以，就更加落力去細味。個脆皮炸得金黃，夠薄又酥脆，兼唔油膩，而腩位好鬆化，又好有肉香，口感極佳。
蟲草花野生竹笙花膠濃湯雞煲 $328我哋就想食得濕濕哋，又有啖靚湯飲，所以，揀個湯雞煲，而呢款有竹笙，又有花膠，啱晒我哋啦。唔喺講笑，我都喺第一次見啲咁大條嘅竹笙，好有睇頭，加埋湯內有唔少花膠同雞件，超抵食喎。
蟲草花野生竹笙花膠濃湯雞煲
$328
46 views
0 likes
0 comments
蟲草花有咬口，啲野生竹笙果然好堅，非常之大條，入口好爽脆，吸滿湯汁，非常鮮味，而啲花膠亦食得出喺靚料，柔韌富膠質，而絕對無一陣陣腥味，啲雞件肉質好嫩滑，又好有鮮雞味，幾款食材都無令人失望。順帶一提，原來事前預訂成隻雞嘅話，喺可以要求選用新鮮雞，價錢當然會貴啲，不過，就算我哋無預訂，所食嘅喺冰鮮雞，質素都已經好高質。
手打雙拼滑 $88清咗個雞煲嘅食材之後，跟住再嗌其他火鍋料試試，先喺啲墨魚滑同蝦滑，打得夠功夫，所以，口感非常之彈牙，前者好有墨魚嘅甜味，後者好有蝦鮮味。
手打雙拼滑
$88
0 views
0 likes
0 comments
大花蜆 $98花蜆用上大花甲，睇樣已經見到非常之大隻，灼熟之後，蜆肉食落非常之厚身肥美，仲帶有陣陣海水嘅鹹鮮味。
極品肥牛拼龍躉片 $248打邊爐又點可以少得肥牛呢！呢度賣嘅牛亦都喺好高質素，油脂分佈平均，色澤鮮豔，唔會暗暗啞啞。揀咗呢個肥牛拼龍躉片，就可以一次過試兩樣嘢，隨拼盤仲奉送一份蔬菜。
極品肥牛拼龍躉片
$248
24 views
0 likes
0 comments
淥龍躉片真喺要講手勢，淥嘅時間啱啱好，魚肉入口非常之嫩滑，而且，極具魚味，好鮮甜；至於啲肥牛，放晌湯內灼一灼，轉色就食，嗰份嫩滑感，油脂香，真喺無得輸，仲甚富肉味，真喺一塊接一塊咁淥嚟食。
最後，仲送咗啲優惠券俾我哋，真識做生意，其中一張更喺半價雞煲換領券，咁當然要湊大棚人啲嚟食個大雞煲啦。
總結一句，唔單止雞煲款式多，食材用料靚，而且，啲招呼亦非常好，店員細心有禮又殷勤，讓客人都食得開心。所以，咁多客人嚟幫襯，真喺不無道理。
Post
