金坊泰國美食

Open Now

Now Closed

去過金坊好幾次，每次都夜晚去，每次都排餐飽，不過每次都覺得好食。今次即管試吓下午茶。差不多兩點半去到，都等左大約5分鐘。點左兩客：一青一黃青：下午茶-青咖哩雞配蒜蓉飽條，配石榴沙冰黃：午餐-佰靚咖哩豬肉飯，配芒果沙冰佰靚咖哩好香口，配上椰汁感覺creamy，辣度適中。芒果沙冰，每次必點，今次比起之前淡味左啲，有啲失望。青咖哩雞，咖哩汁冇乜問題但啲咖哩味入唔到啲雞肉度，感覺上係烚完啲雞淋上青咖哩汁，而唔係一齊煮。反而個蒜蓉飽條好鬆脆，點上咖哩汁非常可口。石榴沙冰，感覺好清新，入口清涼，不錯。跟餐仲配冬蔭公湯，除左酸味飲唔到其他味道，飲左兩啖已放棄。參差嘅除左食物質素仲有服務。碗跟餐嘅冬蔭公湯追左一次不果，第二次問另一個阿姐，阿姐睇完我地張單，好悔氣咁講，你張單冇打咪冇囉。吓? 第一，張單唔係我地打架喎；第二，我地已經追過一次，個阿姐之後先話，咁俾你囉。嘩，做乜好似我地嚟乞食咁？相反Serve我地對面兩位食客個姐姐就有禮貌得多。今次經歷真係扣晒分。