Video
Read full review
2020-09-20
796 views
朋友响上環返工，佢話中午時成日都見到呢間食店，已經想試，所以趁久未見面既我倆就於昨日响呢度開餐，有 D 菜式唔明係乜東東，都有問侍應哥哥係乜東東。因為我地無睇清楚點心紙，差唔多食完先知原來點心紙裡面 A + B 係可以有便宜 D，不過我地都選咗幾款平時好少响其他酒樓食到既食物，我個人最喜歡「橙棍冬瓜」，感覺好似食緊唔冰但凍凍地既橙汁雪條，正好中和「蓮藕肉餅」既油膩感，平心而論，「蓮藕肉餅」真係唔需要再有下次，蓮藕可能預先煮熟，响兩塊蓮藕中間夾住肉餅，之後用漿粉包面後再炸，令到蓮藕完全無味之餘搞到好油，幸好有「橙棍冬瓜」&「寶石蘭度」作調和。講開「寶石蘭度」，真係第一次咁食芥蘭，將芥蘭刨片(應該有略為拖過水)，再加紅石榴，再加點醬油，甘甘地，都幾特別。我地仲叫咗「蝦球炒腸粉」，味道似干炒蝦河，但轉咗炒腸粉，口感唔錯，唔會太油膩。仲有「七彩茄子」，味道不過不失，但賣相就圖片只供參考，醬汁係「辣油 + 豉油」。另外還有甜品，幸好點甜品時睇到有 A + B，結果點了「棉花糖 + 楊枝金露布甸」、「榴槤糯米糍 (兩粒)」、「椰汁馬豆膏 (兩件)」，「棉花糖 + 楊枝金露布甸」賣相好得意，楊枝金露
因為我地無睇清楚點心紙，差唔多食完先知原來點心紙裡面 A + B 係可以有便宜 D，不過我地都選咗幾款平時好少响其他酒樓食到既食物，我個人最喜歡「橙棍冬瓜」，感覺好似食緊唔冰但凍凍地既橙汁雪條，正好中和「蓮藕肉餅」既油膩感，平心而論，「蓮藕肉餅」真係唔需要再有下次，蓮藕可能預先煮熟，响兩塊蓮藕中間夾住肉餅，之後用漿粉包面後再炸，令到蓮藕完全無味之餘搞到好油，幸好有「橙棍冬瓜」&「寶石蘭度」作調和。
講開「寶石蘭度」，真係第一次咁食芥蘭，將芥蘭刨片(應該有略為拖過水)，再加紅石榴，再加點醬油，甘甘地，都幾特別。
我地仲叫咗「蝦球炒腸粉」，味道似干炒蝦河，但轉咗炒腸粉，口感唔錯，唔會太油膩。
仲有「七彩茄子」，味道不過不失，但賣相就圖片只供參考，醬汁係「辣油 + 豉油」。
另外還有甜品，幸好點甜品時睇到有 A + B，結果點了「棉花糖 + 楊枝金露布甸」、「榴槤糯米糍 (兩粒)」、「椰汁馬豆膏 (兩件)」，「棉花糖 + 楊枝金露布甸」賣相好得意，楊枝金露唔算太甜，正好配合棉花糖既甜，唔錯既甜品，下次會再點！
另外，臨走時先發現，原來仲有其他打咭位，就係原來入口有個貨車頭的，走時先見到，好得意有特式。
結論：下次會再幫襯試其他菜式！不過大食既朋友記得，佢地 D 食物份量係唔大碟既！只夠兩個女仔 share 一款，所以如果大食既朋友，記得叫炒粉麵墊底。
Post