饞。台式食堂 (廈門街)

Open Now

Now Closed

Push your limited，將你腦裡面對台灣菜既慾望放到極緻，我只係需要用盡畢生既腦汁，分析menu入面邊樣野最好食，然後我好肯定話比你聽，我推的野食就係最高質。👇🏻📌主 食 - ▪️ 香 酥 雞 排 - $62▫️ 先黎點個「香酥雞排飯」，雞排大大塊，食落相當脆口，夠哂熱之餘肉質裡面唔會炸到太乾身，一樣咁juicy，完全追求到台灣地道果種鹹香味，而旁邊仲有胡麻醬沙律菜，比你撈下飯食，又幾好味啵；嗌左杯奶茶「芋香珍珠」，本身30蚊，跟餐平左8蚊，幾抵飲。▪️ 塔香排骨酥 - $72▫️ 我朋友就點左個「塔香排骨酥」，份量超多，排骨已經去哂骨，啖啖肉過足口癮，外層夠鬆脆，肉質亦夠軟腍嫩滑，加埋面頭炸過既九層塔，份外濃香惹味；嗌埋杯「珍珠奶茶」就夠哂滿足！📌小 食 - ▪️ 椒 鹽 玉 米 - $22▫️ 嗌埋份小食「椒鹽玉米」送飯，粟米烤到岩岩好，加左椒鹽，食落勁香甜又有鹹香，唔錯。