Video
Read full review
2021-02-09
1173 views
對上一次食自助餐已經成個月前既事，無辦法，六點全港餐廳齊齊可以收檯熄燈，外賣除外，喜歡自助餐任食又多花款既朋友，唯有退一步食lunch buffet。或者咁講，午間自助餐感覺上食物種類較少，但諗深一層，如果能以半價，卻有晚間的質素有多好！位於尖沙咀的皇家太平洋酒店，以往係中港城返工都時常光顧，而且多數食lunch buffet，早幾日心思思又再去多次。畢竟是酒店，會嚴格跟從政府的指引，所以坐位間有足夠距離，而且所有食物都有透明器皿蓋住，就算熱葷或燒物，都會由專人服務，真是值得一讚。先講是日亮點，必定係「XO醬龍蝦炒腸粉」，因為龍蝦是即劏即煮，所以蝦肉好彈牙，而且腸粉沾上了蝦膏及龍蝦汁，惹味到一個點，所以忍不住，前前後後喪食了三碗。海鮮有鱈場蟹腳、藍貝、翡翠螺、凍蝦及海蜆，每款都用膠蓋蓋住，客人挑選時，由廚師夾上，看似麻煩，但安全衛生得多，更何況海鮮解凍處理得不錯，沒討厭的雪味。刺身及壽司午間的刺身有螺肉、玉子、希靈魚、三文魚及吞拿魚，而壽司就有熟蝦、三文魚同墨魚壽司。Carving Station威靈頓三文魚火喉控制一流，外層酥皮鬆化，中間薄薄一層火腿帶咸香，最難得三文魚焗至緊熟，絲
對上一次食自助餐已經成個月前既事，無辦法，六點全港餐廳齊齊可以收檯熄燈，外賣除外，喜歡自助餐任食又多花款既朋友，唯有退一步食lunch buffet。
或者咁講，午間自助餐感覺上食物種類較少，但諗深一層，如果能以半價，卻有晚間的質素有多好！
位於尖沙咀的皇家太平洋酒店，以往係中港城返工都時常光顧，而且多數食lunch buffet，早幾日心思思又再去多次。
畢竟是酒店，會嚴格跟從政府的指引，所以坐位間有足夠距離，而且所有食物都有透明器皿蓋住，就算熱葷或燒物，都會由專人服務，真是值得一讚。
先講是日亮點，必定係「XO醬龍蝦炒腸粉」，因為龍蝦是即劏即煮，所以蝦肉好彈牙，而且腸粉沾上了蝦膏及龍蝦汁，惹味到一個點，所以忍不住，前前後後喪食了三碗。海鮮
有鱈場蟹腳、藍貝、翡翠螺、凍蝦及海蜆，每款都用膠蓋蓋住，客人挑選時，由廚師夾上，看似麻煩，但安全衛生得多，更何況海鮮解凍處理得不錯，沒討厭的雪味。
刺身及壽司
午間的刺身有螺肉、玉子、希靈魚、三文魚及吞拿魚，而壽司就有熟蝦、三文魚同墨魚壽司。
Carving Station威靈頓三文魚
火喉控制一流，外層酥皮鬆化，中間薄薄一層火腿帶咸香，最難得三文魚焗至緊熟，絲毫不覺嚡口，好味。
蜜糖烤火腿
另一款火腿大大隻，喜歡啖啖肉既朋友又比一款選擇。
仲有燒牛仔骨、三文魚、魷魚仔同燒菠蘿。魷魚仔帶焦香，而菠蘿好香甜，值得大家試試。
炸物首選即炸天婦羅大蝦，脆漿比預期的薄，油份亦不多，炸得色金黃，好吸引。
熱葷
其實個人一向都幾鍾意柏景餐廳的熱葷，超過10款，而且好啱自助餐口味，有香草燒羊肩、 焗釀西梅豬柳配干邑忌廉燒汁、法式紅酒燴雞、芝士焗菠菜帶子、芝士焗椰菜花、香煎蘿蔔糕、瑤柱金菇時蔬、椰香咖哩牛腩、豉椒炒青口、黃金蝦棗、黃金魚皮及瑤柱薑米叉燒炒香苗。
上次係沙嗲軒食過黃金魚皮送啤酒，正到無朋友，今次就無啤酒，但脆卜卜依然，點都要食返幾塊。
芝士焗菠菜帶子又係好受歡迎，菠菜軟稔得有點入口即化，帶子嫩滑，加埋溶化了的芝士，口感豐腴。椰香咖喱牛腩用作拌白飯就最啱，夠香夠稔汁惹味。
就連中式點心都有，牛肉燒賣、燒賣、沙嗲金錢肚及豉汁蒸肉排。沙律
若然想輕食，又可以有俄羅斯沙律、華都夫鮮蝦沙律、芒果蟹肉沙律及煙三文魚供選擇。
湯品
集齊了三十種食材的燉湯「三十功名」，火喉十足，大家記得要飲，湯色好清，但入口舌底生津而鮮甜，仲要每碗都有花膠，夠晒滋補。
除了原盅燉湯，仲有中湯栗子薏米豬骨湯及西湯南瓜忌廉湯供選擇。
中湯就比較有家常湯水的感覺；而西湯則鮮甜滑溜，不錯。
灼料吧
配料好多，有貢丸、魚腐、豆卜、紅腸、豬紅及扎肉，而麵底有油麵、拉麵、生麵及檬粉，不想食太多澱粉質，一於菜底配什肉，落少少辣椒油仲正。
而雞粥的粥底好綿滑，米粒煲至開花，雞肉亦不覺嚡，要挑剔的是粥底比較稠密，個人鍾意稀些少。Cold Cut
有凍肉腸、意大利莎樂美腸及凍煙燻火雞火腿。
甜品
以前Movenpick雪糕專櫃會放係大門口，家陣移返入餐廳裡面，有薄荷朱古力 、士多啤梨、瑞士朱古力、雲呢拿夢幻、意大利奶凍、熱情果芒果雪葩及雪米糍，就算放係晚間自助餐，種類都算多。
而凍甜品櫃就有特濃朱古力餅、水晶餅、綠茶忌廉筒、黑森林蛋糕、香芒果慕斯蛋糕及雲石芝士蛋糕，但之前食龍蝦好飽，只可以試三兩樣，個人覺得特濃朱古力餅同香芒慕斯蛋糕係我杯茶，一個甘中帶甜，一個芳香滑溜。
中式甜品有懷舊糖蔥餅推介比大家，畢竟是童年回憶，又係即叫即包，食一件唔會太佔胃納。
仲有香滑既芝麻糊，蛋撻仔同蛋散。至於水果就有菠蘿、西瓜及哈密瓜，幾清甜，清清腸胃啱晒！
雖然係lunch buffet，除了性價比高之外，食物種類同晚間不遑多讓，豐富到一個點。
P.S : 生日之星於生日月內惠顧自助午餐或晚餐，即可享免費生日蛋糕乙個！
Monday to Friday （成人HK$338/位,長者HK$278/位,小童HK$238/位）
Saturday, Sunday and Public Holiday （HK$488/位,長者HK$398/位,小童HK$298/位）
若果大家錯過了lunch buffet，都無問題，因為仲有AFTERNOON TEA 。
餐廳推出了「悠然下午茶」，最好既係可以take away，非常方便，無時間即場享用，都可以拎返屋企，同另一半慢慢二人世界。下午茶包括了鬆化可口的（Classic and Raisin Scones, Tangerine Preserve, Clotted Cream）
經典鬆餅及提子鬆餅配自家柑橘醬及忌廉。
口感豐腴，流心蛋黃的（Aged Parma Ham, Quail Egg Benedict）巴馬火腿、鹌鶉蛋班尼迪。
爽口彈牙，卻又滑溜的（Cooked Shrimp and Guacamole Cocktail）牛油果鮮蝦咯嗲。
其貌不揚，但質地輕盈的（Crispy Fried Rose Champagne Egg White Custard）脆炸攻瑰香檳嫩蛋白。除了鬆餅，個人覺得（Hothouse Cucumber and Herb Cream Cheese on Rye Bread）香草青瓜忌廉芝士麥包鬆軟芳香，其實都不錯。
至於（Truffle Mini Cheeseburger）迷你松露牛肉芝士漢堡，肉質不會太實淨，個人反而覺得啱啱好，而且松露的味道輕盈，沒有搶味的感覺。
California Orange Cream Tart加州香橙忌廉撻
放上了雙蝶作裝飾，掛住影相，所以撻皮放得太耐，未夠鬆化，但非戰之罪。
Baked Fuji Apple Cheesecake焗富士蘋果芝士蛋糕
置面的富士蘋果傳來清香氣息，與濃稠的芝士非常match。
Red Berries Compôte Panna Cotta
紅莓牛奶布甸
上下層是奶凍，中間夾有紅莓醬，帶微酸味道，更加挑起了食慾。
Choux Brûlée Puff法式嫩蛋泡笑
泡芙質地鬆，中層處理得相當好，富蛋香又夠滑。
整個下午茶中，最得我心必定係（Uji Green Tea Red Bean Roll）字治抹茶紅豆卷，甜美芳香，甜度啱啱好，正。
特意將口感最rich的擺最後，（Hazelnut Chocolate Mousse）榛子朱古力慕絲入口軟滑如綿，甘中帶甜，我鐘意。即場享用會有（Freshly Brewed Coffee or Organic Tea）即磨咖啡或有機茶，但take away就沒有了。
整個下午茶真係好豐富，而且即場食仲可以refill，真係有驚喜。
P.S : Monday to Friday （HK$416/兩位）
Saturday, Sunday and Public Holiday （HK$456/兩位），如果早一日前透過官網預訂，更加有8折優惠。
Post
