楊氏肉骨茶 (Closed)

久久沒有再光顧楊氏肉骨茶, 但見它開了一家又一家分店, 然後又逐一結業, 未免欷歔。終於再重臨此店, 肉骨茶的味道, 變得旁雜, 可能是因為加入了太多菇的緣故, 而這些菇又有蠔油味, 或藥材味減輕了, 反而失去了它的特色。如果不嫌單調, 可以考慮叫原味的肉骨茶, 不要冬菇等配料。海南雞一般, 細碟, 又沒有油飯(賣晒), 感覺一般 .......... 反而是目睹一件趣事, 可以一記。一個應該還算是中國人的物體, 帶了個外籍朋友來光顧, 叫了海南雞, 上菜了, 就大吵大鬧: 「都話要黑雞肉囉」, 店舖阿姐問佢咩黑雞肉, 佢話即係唔要雞胸(???) ........ 阿姐話咁你要雞髀咪叫雞髀囉, 佢仲呱呱叫「唔識就好講咁多嘢啦」。為此, 我特地上網查過, 找不到任何中國人稱呼深色的雞肉部份做「黑雞肉」, 除了台灣有一道叫「黑雞」的食物外(大概是豉油雞之類) ........ sorry, 我諗, 全世界都要因為呢位人兄而收聲, 唔識嘢嘅, 係全人類。