Video
Read full review
2019-12-24
852 views
每年都要面對聖誕節呢D咁尷尬節日，作為單身狗既我當然見慣不慣啦。不過搞下氣氛應下節在所難免，但除左約埋一班寂寞的心圍爐取暖，仲可以有咩新搞作呢？近日就收到風有間高水準，正宗四川成都既小店「爆汗串串」做緊放題任食。聽聞佢地既用既香料同埋秘製汁都係跟返成都既配方，唔怪得係門口已經聞到香味啦。雖然地方細細，氣氛夠熱鬧，果然無揀錯！👇-📌麻辣串串放題 - $168 (黃金時段)👉雖然呢間以放題形式做招牌，但佢地既質素絕對唔馬虎，無謂串串、小食、甜品都係正宗四川出產。而用到既十二種香料亦都好講究，當中包括丁香、紅花椒、印度椒、八角等等。呢個價錢都係講緊加埋一每人二百蚊都唔洗，加埋$30仲可以飲品任飲，會唔會太抵先！？▪ 成都串串 -▫ 佢地既串串選擇超過40幾款有多，選擇困難症既我好隨機咁揀左呢幾款黎試：包括雞肉腸、雞軟骨、豬皮、陀陀餐肉、五花肉、魚片頭、花枝丸、豆腐干、豆卜、金菇腐皮卷、海帶、娃娃菜、萵荀、蓮藕。每款每次限揀２件，一串一件，而餐廳會幫你一次過上枱，務求做到賣相壯觀，方便你打個靚卡。我就揀左小辣，要大讚係佢地既雞肉、五花肉肉質嫩滑，吸收哂辣汁，肉味濃郁；萵筍同蓮藕口感夠爽脆；豆卜
不過搞下氣氛應下節在所難免，但除左約埋一班寂寞的心圍爐取暖，仲可以有咩新搞作呢？
近日就收到風有間高水準，正宗四川成都既小店「爆汗串串」做緊放題任食。
聽聞佢地既用既香料同埋秘製汁都係跟返成都既配方，唔怪得係門口已經聞到香味啦。
雖然地方細細，氣氛夠熱鬧，果然無揀錯！👇
-
📌麻辣串串放題 - $168 (黃金時段)
👉雖然呢間以放題形式做招牌，但佢地既質素絕對唔馬虎，無謂串串、小食、
甜品都係正宗四川出產。而用到既十二種香料亦都好講究，當中包括丁香、紅花椒、印度椒、
八角等等。呢個價錢都係講緊加埋一每人二百蚊都唔洗，加埋$30仲可以飲品任飲，會唔會太抵先！？
▪ 成都串串 -
▫ 佢地既串串選擇超過40幾款有多，選擇困難症既我好隨機咁揀左呢幾款黎試：包括雞肉腸、雞軟骨、
豬皮、陀陀餐肉、五花肉、魚片頭、花枝丸、豆腐干、豆卜、金菇腐皮卷、海帶、娃娃菜、萵荀、蓮藕。
每款每次限揀２件，一串一件，而餐廳會幫你一次過上枱，務求做到賣相壯觀，方便你打個靚卡。
我就揀左小辣，要大讚係佢地既雞肉、五花肉肉質嫩滑，吸收哂辣汁，肉味濃郁；萵筍同蓮藕口感
夠爽脆；豆卜同豆腐干一咬就醬爆咁款，好滿足！
▪ 爆汗牛肉麵 -
▫ 連佢地既牛肉麵都係任食！我揀左小辣，辣度就岩岩好。餐廳提供既主要都係西冷牛肉，
肉質新鮮入口夠軟腍，仲散發出陣陣既濃香。麵條幾有驚喜，唔會過硬，有少少似拉麵既質感，相當好食！
▪ 麻辣千層肚 -
▫ 輪到我最鍾意既小食之一，麻辣版既千層肚，其實係係牛肚既最外層。
口感細膩爽脆，呢個因為辣汁關係，變得特別嗆喉，好過癮！
▪ 麻辣鴨血 -
▫ 其實鴨血係唔怕食多，或多或少都係一種排毒、補血既食物。
呢到既鴨血做得入味唔會帶腥，又唔會一夾就散，絕對要食！
▪ 成都滷水雞翼尖 -
▫ 雞翼尖基本都係常伴我左右，只要果個地方有得嗌，我就會食。
佢地既滷水雞翼尖皮外整得非常嫩滑，香味十足，用黎送麵幾夾。
▪ 棒棒雞 -
▫ 賣相睇落似足食開港式手撕雞咁，配搭青瓜絲同麻醬，啖啖清新爽口。
▪ 成都老冰粉 -
▫ 最後唔可以唔食既老冰粉，好彩我係佢地賣哂之前嗌到一碗，而冰粉睇落四四方方，形狀均勻。
色澤晶瑩剔透，相當新鮮。表面加左提子乾、山渣餅同芝麻，增加口感，絕對係解辣既恩物呀！ 棒棒雞
Post
