School Food (Closed)

今晚我們去咗沙田附近做完嘢之後就去咗新城市廣場搵吓有邊間嘢好食？搵咗一陣我們就揀咗「School Food」食晚飯！我們叫咗花郎卷嘅餡料有牛肉、蟹柳、牛蒡、紅椰菜同生菜，賣相好色彩繽紛，而且口感相當豐富！紳士先生嘅外層係用鷄蛋包著，入面嘅餡料有午餐肉同辣蘿蔔，食落感覺外軟內爽脆！牛骨清潭麵嘅湯底味道比較清淡，牛肉嘅肉質都幾鬆軟，麵條亦都幾幼身，但質感就比較腍身，唔係好彈牙！火爆鷄肉鐵鍋飯係用原個鐵鍋盛載著上碟，可以保持著熱度，材料除咗有香辣鬆軟嘅鷄肉，仲有紫菜同鷄蛋，撈埋一齊食，真係好正呀！卡邦尼年糕嘅醬汁相當香滑濃郁，年糕嘅質感非常煙韌彈牙，粉絲亦好煙煙韌韌，再加埋啲炒香咗煙肉、洋蔥同蘑菇，真係超正呀！Oppa豬肉彈彈涼麵嘅豬肉好爽滑鬆化，涼麵嘅麵質相當爽口彈牙！