Video
Read full review
2022-07-31
37 views
閨蜜心心念念『樂』嘅海膽杯，終於夾到時間一齊去試，店員先送上清熱消膩嘅小青檸花旗蔘茶兩個人叫咗一個套餐，經開飯訂位套餐有8折，額外加咗$150換成全隻活龍蝦（呢部份無折），另加咗一個小食，小食散叫都係無折嘅。十八層海膽杯Omakase (一人前）$1388套餐包括： 小缽、沙律 、主打菜式、海鮮、肉類、食事、吸物、甘味。先來前菜同埋沙律，薯蓉混有粟米粒同埋青瓜，上面放咗一啲明太子醬，份外醒胃。白色係清甜嘅沙葛，伴隨柚子皮/檸檬皮醃漬，清新清甜又爽口。櫻花蝦玉子燒，咬開上層就見到櫻花蝦，味道特別香。群邊爽脆嘅日本生蠔，就咁食肥美又鮮甜，連埋紅色嘅梅醬同蔥粒一齊食，又係另一種味道。係我哋今次嚟嘅目標，主打菜式係18層海膽杯非常吸睛，唔同嘅食材層層疊構圖同顏色都好靚，狂影一輪之後，開始品嚐先把海膽同魚籽放喺白飯魚乾上面，甘美豐腴嘅海膽同帶住鹹香嘅魚籽夾埋脆口嘅白飯魚乾，口感同味道非常之好，店員教我哋將其餘食材倒出嚟放喺碟上面撈勻嚟食，各種鮮香、不同口感，衝擊味蕾 。好食呀！煮海鮮係活龍蝦一隻，師傅將龍蝦放响鐵板上處理，拆肉然後分開兩份，用唔同方法煮。 一份係用海膽醬 加黑椒碎爆炒之後，放返落
閨蜜心心念念『樂』嘅海膽杯，終於夾到時間一齊去試，
店員先送上清熱消膩嘅小青檸花旗蔘茶兩個人叫咗一個套餐，
經開飯訂位套餐有8折，
額外加咗$150換成全隻活龍蝦（呢部份無折），
另加咗一個小食，小食散叫都係無折嘅。
十八層海膽杯Omakase (一人前）$1388套餐包括： 小缽、沙律 、主打菜式、海鮮、肉類、食事、吸物、甘味。
先來前菜同埋沙律，薯蓉混有粟米粒同埋青瓜，
上面放咗一啲明太子醬，
份外醒胃。
白色係清甜嘅沙葛，
伴隨柚子皮/檸檬皮醃漬，
清新清甜又爽口。
櫻花蝦玉子燒，咬開上層就見到櫻花蝦，味道特別香。
群邊爽脆嘅日本生蠔，就咁食肥美又鮮甜，
連埋紅色嘅梅醬同蔥粒一齊食，
又係另一種味道。
係我哋今次嚟嘅目標，主打菜式係18層海膽杯非常吸睛，唔同嘅食材層層疊構圖同顏色都好靚，
狂影一輪之後，
開始品嚐先把海膽同魚籽放喺白飯魚乾上面，
甘美豐腴嘅海膽同帶住鹹香嘅魚籽夾埋脆口嘅白飯魚乾，口感同味道非常之好，
店員教我哋將其餘食材倒出嚟放喺碟上面撈勻嚟食，
各種鮮香、不同口感，衝擊味蕾 。好食呀！
煮海鮮係活龍蝦一隻，師傅將龍蝦放响鐵板上處理，
拆肉然後分開兩份，用唔同方法煮。
一份係用海膽醬 加黑椒碎爆炒之後，放返落龍蝦殼內，鋪滿芝士後再用火燒，
芝士香味帶住一點黑椒嘅小小辣味，
開胃 又有提鮮 。
另外一份用海膽醬同埋龍蝦頭嘅膏嚟煮，嘩！好香又惹味，龍蝦肉爽身鮮甜，
食到停唔到口。
時令貝類係蟶子皇，肉拎出嚟 炒熟放回殼內，
再灑滿櫻花蝦同煙肉 ，
爽口鮮甜又惹味。
時令海鮮係脆皮煎鰻魚，見師傅用一個重物壓住鰻魚喺鐵板上面煎 ，
令到鰻魚皮好脆而魚肉又油潤軟滑 。
跟住到肉類，牡丹蝦放咗明太子醬同埋海膽醬用黑豚肉包住嚟煎，一啖咬落去肉香夾雜住蝦嘅鮮味充斥口腔，
點埋碟上面嘅黑醋醬汁，更加好味。
吸物係用耐高溫嘅膠袋喺鐵板上面煮返滾裡面嘅湯，湯帶有冬菇嘅香味又有海鮮嘅清甜，同埋真係有花膠架 。
燒野菜有蓮藕、南瓜、珍珠荀、蘆筍、茄子、紫薯夾棉花糖、仲有裝飾成金車厘子嘅小蕃茄，好可愛唷。
新鮮蔬菜各有所愛，閨蜜最鍾意紫薯夾棉花糖。
火焰甲羅燒係散叫嘅， 裏面有三文魚籽、鮮甜蟹肉、蟹膏、紫洋蔥粒，
面頭仲有海膽加魚子，又係吸睛之作，
對於鍾意食海膽同蟹肉嘅我嚟講，
實在係心滿意足啊。
火焰甲羅燒
$298
0 views
0 likes
0 comments
跟住食肆創作時令主食就係炒飯，師傅將蛋打入飯中撈勻然後喺鐵板上面翻炒，
然後將旁邊切得幼細嘅椰菜花撈埋一齊炒，
最後仲加埋一隻蘭王荷包蛋响飯面，
聽講呢隻蛋係可以生食嘅，
撈飯食滿有蛋香，成碗食曬，好滿足。
甘味係燒沖繩菠蘿，我哋已經好飽啦，食件菠蘿有助消化 。
仲有一個自家製海膽雪糕 ，見佢表面有晶瑩顆粒，
以為係沙糖，原來係爆炸糖，
連埋紫蘇一齊食清新又特別。
好滿足嘅一餐。
Post
