Video
Read full review
2022-07-31
144 views
主打創意fusion料理嘅鬼混 由銅鑼灣搬到西環，裝潢依舊擺足心思，碗碟依舊充滿玩味，菜式依舊賣相味道兼備~餐廳樓底好高，寬敞富空間感，一邊以民族風為主，另一邊亦走暗黑搞鬼路線，到處都係打卡位！Menu中加入左唔少新菜式，高質之餘價錢合理，絕對係encore之選▪️法式龍蝦湯 $88龍蝦湯用中式茶壺呈上，而碗上嘅龍蝦肉都擺得好精緻，打卡一流。湯唔算好杰，但龍蝦味好濃，唔會好死鹹。▪️辣炒八爪魚 $78八瓜魚好彈牙唔會好韌，只帶微辣。焦香味突岀，略嫌有少少搶過咗八瓜魚嘅鮮。▪️西蘭花苗配蓮藕片 $88西蘭花苗冇想像中咁炸，反而有啲似天婦羅。外層炸皮唔會好厚，葉超香脆，莖爽脆唔乾又唔會好硬。入口無想像中咁油膩，係好香口嘅蔬菜。不過炸蓮藕片相對失色，唔太香脆。▪️麻辣凍的蜆 $118一上碟係到諗：究竟佢係咪將兩碟前菜加埋一齊上，點解會有八爪魚?! 一問先知原來八瓜魚係伴碟。蜆肉鮮甜飽滿，八瓜魚彈牙 得黎比炒個款腍少少易咬啲。好鍾意佢個麻辣汁，初初食以為好小兒科，但後勁都幾勁幾惹味。不過放心overall都唔會好辣~ 講到最驚喜，一定係上面嘅好青色嘅西蘭花?! 好嫩好多汁好入味好好食！係值得一嚐嘅開胃
餐廳樓底好高，寬敞富空間感，一邊以民族風為主，另一邊亦走暗黑搞鬼路線，到處都係打卡位！Menu中加入左唔少新菜式，高質之餘價錢合理，絕對係encore之選
▪️法式龍蝦湯 $88
法式龍蝦湯
$88
13 views
0 likes
0 comments
龍蝦湯用中式茶壺呈上，而碗上嘅龍蝦肉都擺得好精緻，打卡一流。湯唔算好杰，但龍蝦味好濃，唔會好死鹹。
▪️辣炒八爪魚 $78
八瓜魚好彈牙唔會好韌，只帶微辣。焦香味突岀，略嫌有少少搶過咗八瓜魚嘅鮮。
▪️西蘭花苗配蓮藕片 $88
西蘭花苗冇想像中咁炸，反而有啲似天婦羅。外層炸皮唔會好厚，葉超香脆，莖爽脆唔乾又唔會好硬。入口無想像中咁油膩，係好香口嘅蔬菜。不過炸蓮藕片相對失色，唔太香脆。
▪️麻辣凍的蜆 $118
一上碟係到諗：究竟佢係咪將兩碟前菜加埋一齊上，點解會有八爪魚?! 一問先知原來八瓜魚係伴碟。蜆肉鮮甜飽滿，八瓜魚彈牙 得黎比炒個款腍少少易咬啲。好鍾意佢個麻辣汁，初初食以為好小兒科，但後勁都幾勁幾惹味。不過放心overall都唔會好辣~ 講到最驚喜，一定係上面嘅好青色嘅西蘭花?! 好嫩好多汁好入味好好食！係值得一嚐嘅開胃冷盤。
▪️香煎鴨肝配封門牛柳 $278
封門牛柳厚厚一舊，切開就會見到粉嫩嘅紅色。肉質軟腍有咬口，牛味濃郁帶焦香，成功保留肉汁。鴨肝煎得香口微脆，內裡依然軟嫩，富油香。餐廳好有創意咁將醬汁裝左係dropper入面，醬汁朱古力味相當突岀，我地就唔太識欣賞呢個combination。旁邊嘅薯蓉都唔馬虎，口感軟滑保留左軟綿薯粒，帶奶香，面頭仲有啲磨菇碎作點綴。
▪️抹茶燒羊架 $248
羊架呈粉嫩嘅紅色，肉質軟腍嫩滑，口感一流！不過攤凍左就偏羶，建議怕羶嘅大家趁熱食晒。羊架面頭灑左唔少抹茶粉，但抹茶味比想像中淡，未見相得益彰嘅效果。
▪️蟹膏蟹肉燉飯 $168
燉飯其貌不揚，但食落有驚喜喎！米粒吸滿湯汁，內裡呈半熟口感。面頭舖滿蟹肉同蟹膏，超足料！燉飯蟹味鮮味十足，入口帶微辣，食落無想像中咁膩~
▪️迷幻蘑菇 $98
又真係幾似粒菇喎！上下層分別為芒果同士多啤梨雪芭。個texture好得意，初初入口有少少冰感，但其後就會覺得佢好滑好thick。兩款水果口味毫不人工，幾清新呢~ 側邊有啲餅乾碎增添口感，偶爾仲會食到薄荷味，令成件事更fresh。絕對係一款食到好飽都仲食得落嘅甜品。
▪️鐵觀音芝士蛋糕 $68
芝士蛋糕茶味超濃！初頭篤佢好似有啲散同乾，但食落意外地滑，無平時嘅咁厚重紮實。甜度好低，鍾意食甜//非茶控可能會覺得有啲苦澀，但茶控表示滿意。撻皮厚身經焗過，唔係行我最鍾意嘅實的的脆身路線，但焗過始終都香啲~ 旁邊有啲帶果香嘅焦糖脆脆、酸尾尾嘅紅桑莓乾同藍莓乾作點綴。係一個完全唔甜膩嘅甜品！
▪️花生香蕉奶昔 $56
好smooth，但花生醬味偏淡。不過最頂啲cream好香奶味好濃好好食
▪️早餐奶昔 $58
Exactly早餐嘅味道！有啲似粟米片x牛奶麥皮，唔會太甜。但夜晚飲呢杯野真係有啲奇怪，可能晏晝嚟到配all day breakfast會好啲~
▪️丸久小山圓玄米柚子梳打 $42
初初入口柚子酸味較突岀，其後會品嚐到淡淡玄米香，幾清新解膩~ 不過朋友就話上面啲小丸子腍左啲
Post
