Romanne Leisure Food Concept (砵蘭街) (Closed)

琴日本來約左朋友去旺角食飯睇戲直落，點知係前一日同我講佢中左COVID要送入竹篙灣黎唔到😭臨時臨急又搵唔到人，唯有自己一個去啦～去完先發現一個人原來都可以盡興🫶🏻靜靜地享受一人晚餐，係會比平時更仔細咁品嚐食物同留意身邊既事物🤣講番間餐廳其實係位於朗豪坊戲院售票處隔離既“朗晴坊”(大家唔好去錯呀～)，呢棟大廈都有唔少樓上餐廳，今次就黎左呢間Romanne 試試❤️ ◦ 脆炸鱈魚牛油果蕃茄醬意大利飯($128)呢份炸鱈魚唔錯，炸粉唔會好厚或者好油膩，除左有兩條炸鱈魚係表面，其實飯中間都有鱈魚塊，所以食落鱈魚份量岩岩好；個意大利飯煮得唔錯，飯粒做到粒粒分明，蕃茄味既濃郁，相信蕃茄控🍅會好enjoy🫶🏻 唯一少少可惜既係牛油果🥑既味道容易被蕃茄味蓋過🙈◦ 蘑菇湯+沙律+凍檸檬茶(+$30，凍飲再+$5)星期一至四晚市既時候可以加$30升級到套餐，包括沙律、湯同埋飲品，感覺都幾抵呀😙蘑菇湯唔錯幾有顆粒感，飲完唔會口渴，而且飲落都比較輕盈😘另外我都幾推薦沙律🥗，首先份量好大，沙律菜種類多同幾新鮮，配埋酸酸甜甜咁既柚子醋都幾開胃！最後想讚下佢地上菜速度超級快，我岩岩用手機落單，唔夠5分鐘就上曬沙律、湯