Video
Read full review
2023-04-25
167 views
適逢節日，好開心我男朋友會左搵右搵間好餐廳俾我去享受一下，今次呢間餐廳十分欣賞😍更加一試便難忘餐廳位於中環，需要行少少斜路先到達。餐廳門面係一個日本簡約風既設計，十分低調，左邊係我今晚既餐廳~犇，而右邊就係另一間餐廳~希鳥，聽講同樣係好出名🙈成間餐廳只得13個座位，但每個位置都可以睇到廚師製作Omakase既過程😍上網睇一睇，更加發現原來佢既和牛係由鹿兒島尼，農場用日本杉木同柏木製作成豪華地氈等牛有舒服環境成長，咁肉質就可以更加有口感，而農場既和牛只提供比呢間餐廳。男朋友一早預約了晚餐，而且需要提早交一半預約費唷‼️要7點到達‼️菜單會視乎季節經常改變‼️我recommend ⭐️晚市 11道菜 ($2000/人 + 加一)。前菜~ 和牛蓮藕湯 ⭐️由蓮藕蓉整成既湯，湯面既和牛由廚師嚴選出尼最靚既部位，入口即溶，而且牛肉既每邊都煎得好香，配上一個炸蓮藕小脆片和香煎帶子，而脆片想像唔到原來好清甜，雖然呢個係一個湯，但口感似一個蓮藕粥，呢個係個會令人回味無窮既前菜😍。厚牛舌湯 ⭐️由好厚肉既牛舌製成既湯，牛味超級濃，表面有蘿蔔&湯比較清甜，可以平衡返牛同湯既味道。紅酒和牛壽司表面有紅酒汁，而食落感覺壽
適逢節日，好開心我男朋友會左搵右搵間好餐廳俾我去享受一下，今次呢間餐廳十分欣賞😍更加一試便難忘
餐廳位於中環，需要行少少斜路先到達。
餐廳門面係一個日本簡約風既設計，十分低調，左邊係我今晚既餐廳~犇，而右邊就係另一間餐廳~希鳥，聽講同樣係好出名🙈
成間餐廳只得13個座位，但每個位置都可以睇到廚師製作Omakase既過程😍
上網睇一睇，更加發現原來佢既和牛係由鹿兒島尼，農場用日本杉木同柏木製作成豪華地氈等牛有舒服環境成長，咁肉質就可以更加有口感，而農場既和牛只提供比呢間餐廳。
男朋友一早預約了晚餐，而且需要提早交一半預約費唷‼️要7點到達‼️
菜單會視乎季節經常改變‼️
我recommend ⭐️
晚市 11道菜 ($2000/人 + 加一)
。前菜~ 和牛蓮藕湯 ⭐️
由蓮藕蓉整成既湯，湯面既和牛由廚師嚴選出尼最靚既部位，入口即溶，而且牛肉既每邊都煎得好香，配上一個炸蓮藕小脆片和香煎帶子，而脆片想像唔到原來好清甜，雖然呢個係一個湯，但口感似一個蓮藕粥，呢個係個會令人回味無窮既前菜😍
4 views
0 likes
0 comments
。厚牛舌湯 ⭐️
由好厚肉既牛舌製成既湯，牛味超級濃，表面有蘿蔔&湯比較清甜，可以平衡返牛同湯既味道
。紅酒和牛壽司
表面有紅酒汁，而食落感覺壽司飯中間都有和肉，口感好豐富
1 views
0 likes
0 comments
。海膽牛肉tartar 配炸海苔⭐️
廚師建議次序
第一啖 ~ 原汁原味既和牛他他，牛肉粒整得好細，好易入口，而且旁邊既洋蔥粒令到整體好香口
第二啖~配合海膽&魚子醬一齊食，海膽超級甜，連埋tartar，入口即溶😍😍😍
第三啖~ 將蛋漿和魚子醬、tartar、洋蔥粒混合一齊，再放到炸海苔嗰度一齊食，炸海苔比較油，但加埋配料一齊食之後就中和返👍🏻
0 views
0 likes
0 comments
。主角⭐️⭐️⭐️壽喜燒 配 溫泉蛋
我最期待既一個菜🙈壽喜燒湯底由洋蔥&松茸慢火煲足全日，而和牛只會係個湯上面輕輕灼5秒，令和牛有半生熟既感覺，再由廚師係每位客人既位置到新鮮刨黑松露，至客人需要既份量🙈和牛熟既程度啱啱好，大約兩三成熟，而且肉質超級嫩滑，配合埋黑松露同魚子醬，即刻帶出哂佢既鮮味
壽喜燒湯底不得了🤤湯超級濃郁，而洋蔥味超甜，再配溫泉蛋，我係直頭想將佢既汁飲晒落肚😂旁邊仲有一個細細既飯，可以撈埋呢個湯一齊食，可真正感受壽喜燒湯底既味道
6 views
0 likes
0 comments
。梅酒雪葩
食物容器會因應男女而唔同，但雪葩既味道一樣，香印提子配合之下，帶岀梅酒雪葩既甜，以作清理口腔準備食下一道菜
2 views
0 likes
0 comments
。吉烈牛三文治 配 魚子醬&海膽 ⭐️
吉列牛既炸皮比較薄，配魚子醬既時候味道會比較重，而海膽較淡，更加試到吉列牛+ sauce配三文治真正既鮮甜味，感覺少少似蘋果醋既味道
1 views
0 likes
0 comments
。溫煮和牛麵豉湯
溫煮和牛，湯由少少麵豉、牛&蘿蔔蓉熬製出尼，味道比較淡，所以未太感受到牛既味道。而湯裹面有白子，女仔有兩粒，男仔有三粒，食落味道同雞子一樣
。燒小田和牛 配 漬物 ⭐️
竹炭燒和牛，肉質超級嫩滑，食到成口充滿油，直接溶化，而旁邊既漬物食起尼感覺比較清新爽口
3 views
0 likes
0 comments
。三文魚子和牛肉手握壽司 ⭐️
壽司中有青瓜絲&蘿蔔絲，而上面有新鮮三文魚子同和牛，上面油膩而下面清新既感覺，整左一個強烈既對比，口感好豐富
4 views
0 likes
0 comments
。霜降牛烏冬 配 和牛壽司 ⭐️
霜降牛配稻庭烏冬，由於湯(由牛&魚熬製而成)較熱，牛肉就會因應個湯變得熟，所以自己要預時間拎塊牛上尼。湯十分清甜而烏冬好彈牙，但呢塊霜降牛，係全晚油脂最強既牛，入口即溶，回味無窮，十分值得試🤤
和牛壽司，由低溫處理和牛，食起尼會比較冰凍，而表面將紫菜既碎其實係黑松露碎碎，但黑松露味道蓋過和牛味，所以比之前食既和牛壽司會一般少少
0 views
0 likes
0 comments
。自家製櫻花雪糕 配 芝麻布丁
芝麻味既布甸，芝麻味十分濃郁而櫻花樣既waffle，而中間係沖繩海鹽雪糕，鹹鹹甜甜作結尾
1 views
0 likes
0 comments
11道菜，令到我滿載而歸，而且10分難忘，更加欣賞餐廳有準備玫瑰花比每位現場既女士🌹❤️surprised
回頭指數: ⭐️⭐️⭐️⭐️⭐️
食物質素: 🌮🌮🌮🌮🌮
服務質素: ☺️☺️☺️☺️☺️
消費指數: 💰💰💰💰(人均消費$2200)
環境質素: ☘️☘️🍀🍀
* USHIDOKI (中環)
中環皇后大道中48號萬年大廈1樓2A號舖
同類餐廳 #cocofood_日本菜 #cocofood_Omakase
同區餐廳 #cocofood中環
如果你鍾意我既分享，按右上角🔔，就可以睇到我所有既update🙈
Post
