辦館 (裕林台)

Open Now

Now Closed

又熱又曬又想帶埋寵物去玩，不如去上環辦館透下氣啦。呢度好多朋友仔都會帶寵物入去，享受一個寧靜同好舒適嘅下午。西班牙黑毛豬火腿芝士三文治三文治烘得外脆，西班牙黑毛豬火腿鹹香味濃，芝士香味突出，三文治更滲牛油香，食落十分鬆脆。棉花糖吐司賣相吸引，甜甜地嘅棉花糖皮脆心軟，棉花糖溶溶地，食落熱辣辣，仲有拉絲嘅效果，配上淡淡味道嘅吐司，一甜一淡啱啱好。巨峰提子梳打味道甜甜地，提子味勁濃，配上梳打好透心涼，喺而家大熱天時飲好消暑解渴。日式冰滴咖啡現場見到一部巨型嘅冰滴咖啡機，整出嚟嘅咖啡口感濃郁滑順，加埋凍塊一齊飲清爽可口，好冰鎮嘅感覺。