Video
Read full review
2018-01-10
235 views
生日飯第二炮喺香港真係有好多泰國餐廳，但質素參差，今次就試下喺公司附近嘅泰國餐廳。用餐當日因為我收工收得遲左，要十點先食晚餐，好彩朋友都肯捱肚餓等埋我先食😝如網頁顯示，餐廳營業時間為11:00 - 23:00，book位嗰陣我都先問一問如果我22:00先嚟有無問題，(唔想阻人收工嘛）聽電話位員工都好有禮貌咁話佢地last order係22:45左右，所以都無問題。22:00準時到達，餐廳燈光比較昏暗，裝潢比較西式，有別於以往我去開嘅泰國餐廳，感覺比較高檔。但睇menu嘅時候真係有啲吃力，始終環境比較黑。我同我朋友實在太餓，2個女仔嗌左四樣野食同兩杯飲品野食方面：1.特式拼盤2.椰汁青咖哩雞（加多個飯）3.泰式炒金邊包蛋4.泰式炒通菜飲品方面：1.Strawberry Sensation 2.Mekong Margarita (Strawberry favour)講左野食先 特式拼盤不過不失，蝦餅仲好熱辣辣仲好脆！真係即炸嘅！但要讚嘅真係點串燒嘅沙嗲醬（我有無放錯重點？😝）超級好味！唔係一味得甜同辣，真係仲有粒粒花生喺入面。明明食哂串燒都格硬搵野點下個沙嗲醬。椰汁青咖哩雞青咖哩喺泰國菜入
喺香港真係有好多泰國餐廳，但質素參差，今次就試下喺公司附近嘅泰國餐廳。
用餐當日因為我收工收得遲左，要十點先食晚餐，好彩朋友都肯捱肚餓等埋我先食😝如網頁顯示，餐廳營業時間為11:00 - 23:00，book位嗰陣我都先問一問如果我22:00先嚟有無問題，(唔想阻人收工嘛）聽電話位員工都好有禮貌咁話佢地last order係22:45左右，所以都無問題。
22:00準時到達，餐廳燈光比較昏暗，裝潢比較西式，有別於以往我去開嘅泰國餐廳，感覺比較高檔。但睇menu嘅時候真係有啲吃力，始終環境比較黑。
我同我朋友實在太餓，2個女仔嗌左四樣野食同兩杯飲品
野食方面：
1.特式拼盤
2.椰汁青咖哩雞（加多個飯）
3.泰式炒金邊包蛋
4.泰式炒通菜
飲品方面：
1.Strawberry Sensation
2.Mekong Margarita (Strawberry favour)
講左野食先
特式拼盤
特式拼盤
5 views
0 likes
0 comments
不過不失，蝦餅仲好熱辣辣仲好脆！真係即炸嘅！但要讚嘅真係點串燒嘅沙嗲醬（我有無放錯重點？😝）超級好味！唔係一味得甜同辣，真係仲有粒粒花生喺入面。明明食哂串燒都格硬搵野點下個沙嗲醬。
椰汁青咖哩雞
椰汁青咖喱雞
8 views
0 likes
0 comments
青咖哩喺泰國菜入面真係我嘅最愛。我一直都搵緊好味嘅青咖哩，但正如我一開頭所講，香港食到嘅真係好參差...
入返正題先。
呢碟一上枱，我都無抱住乜野其望，因為個汁就咁綠色，其實都幾嚇人。但一入口，我個樣即刻變左！
超 級 好 味 呀 ！
本身我係好抗拒椰奶味嘅野，但呢碟青咖哩我真係講唔出佢入面咩野化學作用，椰奶味重，個好香好滑！
撈飯食簡直一流！
但雞肉實在太硬太鞋，青蕃茄都唔夠淋，扣左好多分呀...
泰式炒金邊粉包蛋
泰式炒金邊粉包蛋
16 views
0 likes
0 comments
不過不失，金邊粉唔會偏甜。
泰式炒通菜
泰式炒通菜
17 views
0 likes
0 comments
好奇怪竟然唔係辣
呢間餐廳，我會encore嘅指數係極高
地點位置方便價錢合理嘢食又好味店員服務態度都好好
Post
