Video
Read full review
2023-12-11
1040 views
【中西區】【南北小聚】之前去信德中心對面食印度菜，都好好食。咁樣發現咗干諾道中近上環嗰邊原來都有啲餐廳，唔係間間都係嗰啲貴價酒樓，有啲都係我呢啲窮鬼食得起嘅嘢。之前一味淨係睇內街嗰邊有咩食，好少望返出嚟出面，錯過咗啲嘢。之前已經講過樓上舖嘅印度嘢，今次就講佢樓下一間叫「南北小聚」嘅餐廳。初初見佢好似好富麗堂皇，懶係有氣派咁，以為係好貴嗰啲餐廳就直接 skip 咗。行近望真啲先發覺佢原來係好似貳號冰室咁嗰啲裝修，價錢亦唔算貴。我喺下晝時間去，叫佢哋啲「下午茶套餐精選」就算，平啲吖嘛。叫咗個 $50 嘅「金湯酸菜魚」，可以選配「四川擔擔麵」，正喎。本身我驚會好辣，問侍應啲擔擔麵會唔會好辣，佢話唔會喎，仲講話：「唔辣架！」但我明明就見到佢 menu 有隻辣椒喺啲字旁邊，算啦，叫嚟食！又真係唔多辣，我都食到，正。而個酸菜魚都 okay，五十蚊仲有飯麵真係冇得要求再多了。加 $3 飲「凍奶茶」之後就係 $53 埋單，個人覺得都係幾抵食嘅選擇。。。（地址：上環干諾道中138號地舖）#1amfoodie #foodie #hkfoodie #thatfoodiething #food #instaf
之前已經講過樓上舖嘅印度嘢，今次就講佢樓下一間叫「南北小聚」嘅餐廳。初初見佢好似好富麗堂皇，懶係有氣派咁，以為係好貴嗰啲餐廳就直接 skip 咗。行近望真啲先發覺佢原來係好似貳號冰室咁嗰啲裝修，價錢亦唔算貴。
我喺下晝時間去，叫佢哋啲「下午茶套餐精選」就算，平啲吖嘛。叫咗個 $50 嘅「金湯酸菜魚」，可以選配「四川擔擔麵」，正喎。本身我驚會好辣，問侍應啲擔擔麵會唔會好辣，佢話唔會喎，仲講話：「唔辣架！」
但我明明就見到佢 menu 有隻辣椒喺啲字旁邊，算啦，叫嚟食！又真係唔多辣，我都食到，正。而個酸菜魚都 okay，五十蚊仲有飯麵真係冇得要求再多了。加 $3 飲「凍奶茶」之後就係 $53 埋單，個人覺得都係幾抵食嘅選擇。。。
（地址：上環干諾道中138號地舖）
#1amfoodie #foodie #hkfoodie #thatfoodiething #food #instafood #globaleats #dessert #foodpics #followforfollowback #love #eat #1am中西區 #上環 #南北小聚 #金湯酸菜魚 #下午茶 #下午茶套餐精選 #四川擔擔麵 #凍奶茶 #1am1194 #1ambackup
Post
