奈雪の茶 (Closed)

【中西區】【奈雪の茶】上次同大家提及過，我同一位朋友趁黃雨去咗山頂食嘢同行商場，咁我哋又點會淨係食一間壽司就算數吖。一早已經想試呢間覺得唔錯，但係香港就淨係得呢間山頂分店嘅「奈雪の茶」，唔好再講冇機會，今次就係機會。我記得第一次飲奈雪係喺深圳，嗰時唔知咩事，一條友喺深圳行緊，無啦啦巧遇一位女同事，佢介紹我飲呢間，咁我就戇居居咁跟咗佢去飲。好記得嗰時唔識飲奶蓋嘢，被佢大大聲喺條街度問我「喂你識唔 _ 識架」，勁樣衰。趁呢個機會順便恭喜埋呢位女同事嘅大婚之喜，喺我做 foodie 前後佢都 keep 住推薦餐廳畀我，對我呢啲「窮肥矮毒」都幾好，呢個就係我踏入奈雪之前嘅諗法。入到去發現門可羅雀，黃雨嘅山頂真係冇得輸，就叫啲嘢先。我自己叫咗杯香港分店限定嘅「楊枝甘露寶藏茶」，質素極度平庸，好似普通楊枝甘露加啲大菜糕之類嘅感覺，呢 $39 我係洗得有啲後悔嘅，而朋友嗰杯 $33 嘅「芝士阿里山初露」係「中國台灣冬茶頭等獎」佢都話麻麻。到食嘢，我叫咗個 $28 嘅「咸蛋黃嘟嘟」，我記得我食過，好似食月餅咁，勁飽又有鹹蛋黃，仲有我最憎嘅肉鬆，買嗰吓唔記得冇計。朋友個「菠菜肉骨頭」我都有幫手食，佢揀咗