蘭芳園

Open Now

Now Closed

【中西區】【蘭芳園】呢間嘢我估喺香港都冇乜邊個唔識，就算係嚟過香港一兩次嘅遊客，好可能都會食過。不過我想講呢間蘭芳園呢，我係一次都未食過嘅。反而之前佢哋喺信德中心開過一間分店我又食過喎，冇人排隊嘛，過咗一排就殯咗。咁今次又無啦啦去嘅，事緣係有位識咗十年，對上一次見面係七年前喺挪威嘅朋友，佢嚟香港玩喎，咁我梗係要同佢去呢間。先叫個 $38 嘅「香脆奶油豬仔包」飲「凍奶茶」，杯嘢佢飲，個包就麻麻哋，以奶油豬嚟講好一般。跟住叫 $47 嘅「傳統咖央西多士」飲「茶走」，呢杯係我嘅，佢試飲完都話唔錯。而西多士絕對係香港名物，夾咖央醬係幾新穎，不過朋友話中意夾花生醬多啲，識食呀吓。佢話其實之前都食過，今次嚟係想回味一吓嘅。跟住叫咗 $68 嘅「蔥油雞扒撈丁」飲「鹹檸七」，杯嘢係我飲嘅，因為天氣真係好熱，唔飲杯凍嘢真係唔得。個麵就普通咗啲，我哋都食唔晒。埋單 $153，雖然我係一個中意乞飲乞食嘅 foodie，但點都要一盡地主之誼嘅。。。（地址：中環結志街2號地舖）#1amfoodie #foodie #hkfoodie #thatfoodiething #hkfood #food #instafo