Video
Read full review
2024-01-12
283 views
【九龍城區】【全盛燒臘茶餐廳】本身今次呢間燒臘茶餐廳正正常常，合理茶記一間，賣埋燒味同鹽焗雞，的確好難搵到引子點樣切入。而本身都唔係特登過嚟，而係咁啱經過，有啲肚餓咁就走咗入去求其食啲嘢，真係普通到我覺得就咁開始講都唔好意思。到我做「記錄低啲相片」，同埋「準備打用餐體驗」呢啲事前工夫嗰陣，我都仲未知咩事。到我搵地址、落實餐廳資料嗰陣先知原來我擺咗個大烏龍。我睇招牌一直以為間嘢叫金盛，點知人哋原來叫全盛，我真係要重讀中文了。講咗好多同餐飯無關嘅嘢，不過係我覺得有趣先同大家分享。咁我入到呢間嘢就梗係想食吓佢哋啲燒味啦，有「燒味飯」仲可以「雙拼」，不過我唔係太想食米飯，所以叫嘅係 $48 嘅「燒腩仔燒鴨瀨粉」，轉瀨粉啱我食多啲。啲燒味都幾好食，燒鴨仲幾好肉，估佢唔到。我仲加 $5 要多半隻「鹹蛋」，都幾好。嘢飲我就飲加 $8 嘅「凍檸茶走甜」，正常茶餐廳水準冇乜特別。咁樣夾埋嘅價錢係 $61，我覺得都係幾經濟實惠嘅，唔飲嘢嘅話平得多。。。（地址：九龍城衙前塱道40號地舖）
到我做「記錄低啲相片」，同埋「準備打用餐體驗」呢啲事前工夫嗰陣，我都仲未知咩事。到我搵地址、落實餐廳資料嗰陣先知原來我擺咗個大烏龍。我睇招牌一直以為間嘢叫金盛，點知人哋原來叫全盛，我真係要重讀中文了。
講咗好多同餐飯無關嘅嘢，不過係我覺得有趣先同大家分享。咁我入到呢間嘢就梗係想食吓佢哋啲燒味啦，有「燒味飯」仲可以「雙拼」，不過我唔係太想食米飯，所以叫嘅係 $48 嘅「燒腩仔燒鴨瀨粉」，轉瀨粉啱我食多啲。
啲燒味都幾好食，燒鴨仲幾好肉，估佢唔到。我仲加 $5 要多半隻「鹹蛋」，都幾好。嘢飲我就飲加 $8 嘅「凍檸茶走甜」，正常茶餐廳水準冇乜特別。咁樣夾埋嘅價錢係 $61，我覺得都係幾經濟實惠嘅，唔飲嘢嘅話平得多。。。
（地址：九龍城衙前塱道40號地舖）
Post
