嚐品慕茶 (Closed)

因為參加咗公司training，過左黎九龍灣，搵食同樣難，德福要同好多人爭，又有機會無位。同事介紹偉業街呢間樓上餐廳，無嘢好得過個賣點，「一定有位」。之前搭車都經過偉業街，有幾間餐廳都想試。入到黎好闊落，好大，好多位，難怪話一定有位。呢度係自助形式，點完餐，等叫號碼，自己拎餐。兩日都幫襯呢間，show我地公司pass有優惠（多謝前同事爭取）。日式吉列咖喱豬扒飯，52元，幾大塊豬扒，大過我塊面。粉有小小厚，但可接受。咖喱都ok，飯都幾多，難怪咁多男士揀呢個。另外一日食嘅係天使麵，肉過咸（我本人係食得清啲），呢個油咗小小。兩次飲嘅都係熱奶茶，如果奶再多小小會啲。環境唔錯，幾個來自唔同department嘅同事可以有個咁嘅機會傾計算係難得。呢間無油煙味，幾好。